利小館 (Closed)

當日是本小姐的農曆生日,男朋友同我一家去利小館吃晚飯。好在一早訂左枱,未夠7點就已經有好多人排緊隊。四個人點了6樣餸,當然有必點上海菜。小籠包 得4隻,好少。雖然包裡有好多湯,一咬就流出來。不過好明顯係預先放入去的凍湯粒的效果,不是本身的肉汁。韮王炒鱔糊 韮王同鱔糊份量都幾平均,沒有突出之處,味道一般。紅燒回鍋肉配蝴蝶包 回鍋肉好夠味,太鹹啦,一定要夾包食先平衡到。蝴蠂包好細件,都包唔晒一塊肉。砵仔焗蠔 好似焗魚腸咁,唔係個個人都啱口味。面有芝士,內裡料有好多,不過蠔就好細隻,食左都唔係好覺。擔擔麵 有點辣,d麵好張口,味道一般。炸銀絲卷 外面炸得香脆,不錯。食完主菜,差不多飽飽就叫埋甜品。脆麻花 炸得香脆,不像平時酒樓那些淡黃色同鬆化,這裡的應該加了蛋黃,偏深色,咬落脆口。杏汁燉蛋 媽媽自己食晒,我試左一啖,正常杏汁燉蛋的味道。總括這裡的食物份量偏少,味道普通,價錢不值。