波士冰室 (Closed)

荃灣多好野食，連冰室都咁高質。今日行完街黎到千色店搵食。餐牌有個十大推介，我地都係當中揀左幾樣黎食。加倍腸仔焗肉醬意粉一撈起Ｄ意粉即刻香味洋溢，意粉面頭有少量切碎左既三色椒，估唔到食落都有好香三色椒味，肉醬同腸仔味道都唔錯，意粉有少少焗過左有少少乾，整體都高分。常餐-沙丹豬扒公仔麵，炒蛋，丹麥多士。公仔麵原來係出前一丁，好香好重麻油味（係比平時重）豬扒有點香矛味唔錯但硬左Ｄ，丹麥多士好好味可惜冇得單點。餐飲加左杯特飲冰奶茶奶茶只有兩粒大冰，冰係由奶茶製成，特別既係我地食左成個鐘Ｄ冰都係冇溶到，可以整碎佢做奶茶沙冰。最後叫左兩個甜品。拉芝西多士同埋普通西多士。個人認為兩款味道差不多（西多士一定好味），芝士個款係多左重口感。