波士冰室 (Closed)

今日來到荃灣，想食d平平地嘅下午茶，又要坐得舒服，經過波士冰室見唔洗排隊就試下啦。餐廳裝修好有舊香港風格，非常有懷舊色彩，連餐牌都好有特式。食物種類都算多，而我就叫左個脆炸雞脾伴薯條加杯凍奶茶雞脾就算大隻嘅，味度就少少偏鹹，外皮炸得唔太脆，而且薯條嘅份量少左dd，杯奶茶就正正常常，都ok嘅個人認為會再幫襯嘅，不過就想試下十大必食多d，可能佢d必食先有驚喜呢。波士冰室地址📍: 荃灣眾安街68號荃灣千色匯I期1樓1023號舖 .............................. 味道😋: ⭐️⭐️⭐️環境👀: ⭐️⭐️⭐️ 服務👨🏻‍🍳: ⭐️⭐️抵食💰: ⭐️⭐️⭐️

每次經過波士冰室都好多人，因為疫情影響之下，很多人都減少了外出用餐，今日下午茶時間來到，安排坐卡位位置，感覺舒適，還有BB凳提供。要了一個波士常餐【瑞士雞翼撈公仔麵+北海道牛乳炒滑蛋+丹麥多士】【$50】，一份薯條茶餐【$30】瑞士雞翼撈公仔麵+北海道牛乳炒滑蛋+丹麥多士雞翼算大隻瑞士汁非常入味面唔會煮到食冧，食落仲爽口既，而瑞士汁撈完公仔面唔會太多，正北海道牛乳炒蛋，蛋夠滑但奶味重左少少丹麥多士配上牛油，超好味薯條茶餐【$30】淨薯條連熱飲，份量可以啦，熱辣辣，脆卜卜。小朋友食左大半碟，嗌極佢都唔停口。

睇相就知道邪惡嘅程度係幾誇張落單之前有少少猶豫，擔心有芝士嘅鹹味，仲應唔應該落糖漿呢？上菜嘅時候有糖漿連埋，就試吓落糖漿。結果原來幾好味😂一定係我見識太少喇唔怕肥嘅朋友值得一試感想，好彩凍檸茶叫咗走甜🙈

年初四出街食嘢預左要排隊，離遠見到Boss冰室，門口有幾個人已經排緊隊，咁就嗱嗱臨排左隊先三位唔該，排係我前面嘅都有幾家人有啲兩位有啲三位有啲緊九位，但係帶位阿姐大叫有冇兩位可以入，咁就入左兩個，之後阿姐問我同面前等緊嘅三位會唔會搭抬 我同佢哋都say no,咁就入咗張九位大枱，再等多陣....突然前面果位男士好似發在癲咁鬧點解仲未有枱（我心諗人哋有枱就會比啦，唔通唔做你生意咩，個個都要等）見到佢係咁追住著西裝褸嘅店員不停鬧，聽到都心痛，新年流流開開心心食番餐比佢搞到有污點，在此亦想稱讃一下果位西裝店員eq真好，對住個蠻不講理嘅男人仲可以咁有耐性咁同佢慢慢解釋👍🏻👍🏻之後個男人走咗，我哋三人仲有位坐🤣🤣，西裝店員仲好有禮貌走過嚟同我哋講唔好意思怕騷擾到我哋。眼見佢唔單止同我一枱say sorry，仲要每枱都有，今時今日嘅香港仲有呢D服務態度，佢老細請到佢賺咗啦！埋單果陣我仲拍左兩下西裝店員同佢講加油💪🏻以示鼓勵！P.S. 而家嘅香港人壓力大到咁，好感動見到仲有人原來仲有個heart係度😭

行過又唔想食連鎖店，反而周圍搵冰室，舊小店，之前都聽人講過~”波士”，不妨一試，又俾我撞到，仲唔洗等位，唔駛唸啦~~😅😅早餐都好少至到12點，做得好，岩晒我😅😅原本想食常餐，因7點太早，未有胃口😑,決定輕食其實都好多選擇~而且望落都算有心之作波士十大必食~下次經過，一定要試吓😋懷舊牆~媽媽年代信箱📬媽咪話呢個係漱口杯，放左方形砂糖，現在已經轉晒係包裝糖喇🤭🤭邪惡奶醬多，脆卜卜 ，好似加左少少砂糖咁🤔🤔奶茶好滑，夠熱，夠香下次一定中午嚟吓,試吓十大必食

今日下午經開荃灣，咁岩又到下午茶時間～不如食返個下午茶餐抖抖先～呢度嘅環境都幾舒服，2個人有卡位坐，價錢都好合理叫左一杯「波士十大必食」。既懷舊雪糕紅豆冰雪糕可以俾你揀雲呢拿/綠茶/同朱古力味～我就揀咗綠茶雪糕配紅豆冰紅豆冰嘅味道真係好懷舊，奶同紅豆。既份量分別岩岩好另一個叫左tea set 粒粒花生醬西多士配熱阿華田西多士賣相一流 , 新鮮製造～西多炸得啱啱好，麵包好鬆軟而且花生醬真係粒粒花生🥜口感好豐富好味

早餐水準有保證，午餐之炒烏冬$62又貴又難吃烏冬是暖暖地，唔太熱；配料是預早準備放落去，除左椰菜還可以，其他都好難食。茶餐廳食物嚟講，真係唔掂！如果再揀，我唔會再食。反而早餐之沙嗲牛肉麵比較好食，牛肉夠滑、麵夠香炒蛋都唔錯早餐，價錢$38算係超值中伏！

係荃灣相隔兩條街，大約5分鐘路程已經有兩間波士冰室，每次中午時分經過都超多人無機會食，今日終於有機會試到佢地嘅早餐。店外大電視已顯示早餐內容，十分細心體貼店內環境以懷舊為主比我發現到佢哋係用方糖，已好少地方有，十分配合室內懷舊環境。早餐D:蕃茄薯仔排骨螺絲粉，北海道牛乳炒滑蛋，牛油多士($38) 包熱飲。螺絲粉湯底足料，仲有紅蘿蔔，食落去好有住家湯嘅感覺，排骨亦煮得好淋，美味炒滑蛋夠滑，食到有牛乳味，牛油多士略嫌牛油唔夠多，如果可以落多D，會令到更加香口。

放假的好節目就係食。食完午餐無幾耐，又想食個下午茶，於是去了波士冰室。假期要等位係預咗，好彩唔使等好耐，10分鐘啫。下午茶餐有9款選擇。選了T4和T12。T4係熱狗皇，睇個名都知佢唔嘢少，當佢來到時，都差點俾佢嚇到心都離一離，有咩理由會咁大隻? 呢隻巨無霸熱狗，大到必須至少切開三大份才可以食到。T12係雪菜魚片銀絲米粉配丹麥多士。魚片質素唔差，幾爽口彈牙。湯底幾鮮味，可能係因為有蝦米。丹麥多士其實係充滿牛油香味的厚多士，非常好食。至於，奶茶和咖啡味道都OK。

在荃灣城巿中心購物後找到這家波士冰室，有些坐位以綠色通花鐵皮作為間格，懷舊味重。這𥚃的侍應都很有禮貌。常餐＄50香煎豬扒通粉那塊豬扒有手掌般大，質地鬆軟，通粉有咬口，不是軟腍的貨色。丹麥多士把很香滑的炒蛋放在烤香了的牛油厚多士上，每一口都是享受。好立克沙冰(轉特飮加$11)，外型有點像雪糕，沙冰上還加了一些好立克粉，好立克味很濃厚，冰涼入心。銀牙肉絲炒麵 ＄56，把蛋麵炸成小山的型狀，外形吸引，肉絲獻汁清澈。㚒鬆了麵山發覺分量原來不少，明明是吃了半碟的，但好像還有整碟似的。阿華田沙冰(轉特飲加$11)，濃濃的阿華田味，懷舊！懷念！

兩個波士去食晏冰室近幾年大行其道，冰室象徵著香港特色食了都多間呢間既款式配搭可再多點及新意我見到流心芝士西多就想食啦，再加杯奶茶咁就一個下午茶餐了同事就食瑞士雞翼撈一丁，瑞士汁不錯

上星期日晚7:15分左右同朋友去依間食，叫咗兩個晚餐，一個焗豬扒飯，一個肉鬆四季豆，兩個湯，兩杯嘢飲，到食哂準備睇下張單去俾錢先發覺原來嘢飲要加錢，但侍應落單時無講明，咁咪走去買單順便問下點解落單時無講明，個不男不女嘅收銀就不停強調每張枱都有張紙講明嘢飲要加錢，但我想講，你張紙好大，肯定每個人都會見到？同埋我只係問點解無講聲姐，吾需要態度不停強調有張紙囉！臨走時仲要講咗句嘢，不過就聽得吾太清楚！！

之前已經聽到住係荃灣嘅表哥提及過呢間波士冰室，😗黎到荃灣行街又要食晚飯，所以why not 試下呢👯‍♀️。從表哥口中聽到嘅係好評，我自己都上openrice 睇下，😳原來佢都有三間店，其中兩間係荃灣，真係幾好評價。👍🏼入到去個裝修係幾正嘅，🎈有舊香港嘅味道。除左基本嘅餐牌外，佢仲有提供是日晚餐sets。第一次黎，咁就梗係食最出名嘅招牌啦。😆⭐️常餐❤️⭐️丹麥多士+北海道牛奶炒蛋👍🏼個丹麥多士超正！佢一黎又夠熱，二黎丹麥嘅酥皮完全冇得輸！🤤⭐️瑞士雞翼撈公仔麵😋公仔麵乾濕度拿捏得幾好，瑞士汁又唔會過多或過少。⭐️加倍芝士焗腸仔意大利粉本身呢個就係冇得輸，不過肥婆嘅我覺得可以再多d 芝士。⭐️原味冰波凍奶茶🎈招牌野梗係一人一杯！

係荃灣諗唔到食咩好所以就嚟咗呢度，同老公揀咗食午市套餐，佢食梅菜肉餅我食鮮茄斑腩，但係個梅菜肉餅真係超級鹹我個班腩飯都係超級鹹，中湯真個味係好古怪，只係覺得飲咗一啖就飲唔落去，可能因為我哋冇揀佢哋出名嘅菜式食但都希望午市套餐質素會改善

。😋😋打頭炮嘅係十大必食menu入面擺正中間位嘅♦️煎蛋手打牛肉漢堡伴薯條(總評：👍🏻👍🏻👍🏻👍🏻)小編其實唔食牛🙈引用一下同行家人評價👇🏻🤪肉味好夠 半熟蛋連埋超厚嘅牛肉漢堡 個味久久不能忘懷😂。♦️常餐 (總評：👍🏻👍🏻👍🏻)兩款都配 北海道牛乳炒滑蛋 加丹麥多士丹麥多士絕對係誠意位🥳🥳好香夠脆 絕對值回票價!!☹️美中不足炒蛋好似加得太多奶 我覺得入口有漿住嘅感覺 過火咗少少。Set A 瑞士雞翼撈公仔麵雞翼真係好夠入味😭麵拿捏得好 夠爽口**Set B 香煎豬扒通粉 豬扒肉質厚實但又唔會鞋烚烚 煎得夠香口 唔會過火。♦️咖哩吉列豬扒飯(總評：👍🏻👍🏻)肉夠厚 炸得夠脆口☹️但咖哩平平同個飯太硬身 好一般。♦️星州炒米(總評：👍🏻👍🏻👍🏻)就返香港人口味整體淡d 但入口好夠香 算係有少少驚喜。💙裝修係好多港式風味嘅位同牆壁畫😂最值得一讚係枱同枱之間都幾闊落 張枱面又好夠闊 夠舒服 唔會要就住就住食嘅感覺 的確加分好多。