Video
Read full review
2011-10-14
50 views
由於香港正吹緊拉麵風，為左要夠潮，小弟就擇日黎全城熱爆o既一風堂試食，睇下佢係咪真係咁堅！講真，成日聽倒親友們不斷推介，又睇過咁多週刊報章正面o既報導，以及openrice上連續三個月o既好評，自己真係好期待，唯一係驚唔知要排幾耐隊架姐。記得嗰日係九月最後一個星期三，見橫掂約左人喺尖沙咀度聽歌，一收工就call表妹一齊過海，向一風堂進發，希望襯D人未放工，唔洗排太耐。我地真係好彩，門口條隊唔係好長，八分鐘內入座，而且重有卡位坐，闊落舒適。店內其他裝修順眼簡潔，左手邊幅牆掛滿碗，襯托主題得黎好有特色。全場所用o既顏色以紅白黑為主，非常愛國；主色咁啱同餐牌上拉麵款式數目一樣wor，都係三個，唔知係咪鍾意「三三不盡」個意頭呢？！拉麵屋右手邊係冇人坐o既吧枱配高櫈，表妹話係比人客一邊飲野一邊等位，冇得食麵o既。不過佢都覺得有少少奇怪，皆因佢鄉下紐約嗰間一風堂好熱鬧，連Ｄ吧位都好爆，絕對唔會吉到比大家一個咁浪費地方o既感覺。純粹個人愚見，其實既然吧枱冇人坐，不如做埋生意比客人食麵；又或者喺酒牌上花Ｄ心思，希望客人可以盡情享受一下happy hour啦？！另外，對小肥黎講，其他非卡位o既枱櫈睇落比
記得嗰日係九月最後一個星期三，見橫掂約左人喺尖沙咀度聽歌，一收工就call表妹一齊過海，向一風堂進發，希望襯D人未放工，唔洗排太耐。我地真係好彩，門口條隊唔係好長，八分鐘內入座，而且重有卡位坐，闊落舒適。
店內其他裝修順眼簡潔，左手邊幅牆掛滿碗，襯托主題得黎好有特色。全場所用o既顏色以紅白黑為主，非常愛國；主色咁啱同餐牌上拉麵款式數目一樣wor，都係三個，唔知係咪鍾意「三三不盡」個意頭呢？！拉麵屋右手邊係冇人坐o既吧枱配高櫈，表妹話係比人客一邊飲野一邊等位，冇得食麵o既。不過佢都覺得有少少奇怪，皆因佢鄉下紐約嗰間一風堂好熱鬧，連Ｄ吧位都好爆，絕對唔會吉到比大家一個咁浪費地方o既感覺。純粹個人愚見，其實既然吧枱冇人坐，不如做埋生意比客人食麵；又或者喺酒牌上花Ｄ心思，希望客人可以盡情享受一下happy hour啦？！另外，對小肥黎講，其他非卡位o既枱櫈睇落比較細同窄，身材高大少少應該坐得幾辛苦。最大o既問題呢，係全場冷氣唔多夠，ＸＯ未開始食野都已經大汗疊細汗！當晚除左埋位同傳菜時可以見到服務生之外，真係好難搵倒個哥仔落單或加野食。到有人黎o既時候，佢地態度雖則並非惡劣，但頗為被動，欠缺熱誠，似乎服務有待改善。
埋位飲左淡水，覺得有陣怪味，所以就叫左壺Sake黎飲，點知...
久保田 千壽（$96/ 300ml）：第一，酒唔夠涷！第二，味道淡到好似溝左水咁，真係同水嗰陣怪味好相似！第三，其實佢斟左Ｄ乜野酒大家都唔知，因為由頭到尾都冇比過個樽我地睇架！惟有阿Q地安慰自己$96唔應該要求咁高啦。
黎到拉麵專門店當然要一人叫返碗拉麵黎食啦。
白丸元味拉麵（$68）：唔係好食得辣o既ＸＯ叫左碗豬骨湯底拉麵，所以少不免會同中環拉麵店「豚王」作比較。豬骨湯底份量可以多返少少，味道只可以話係正常，因為佢欠缺「豚王」嗰種濃郁震撼感，可以話稍欠火候。叉燒片雖然夠薄，但肉質編嚡，食起上黎乾得有少少硬，唔夠「豚王」腍滑。拉麵落單時要求硬身Ｄ，做得好合格。
表妹就叫左碗一風堂辣肉味噌拉麵 + 蛋（$78 + $10），評價為" ok，唔錯"。
最近胃口大左o既ＸＯ一碗麵又點會夠飽呢，所以就叫多碟炸雞黎食。
一風堂風神雷神脆炸雞（$38）：一客兩件，不過每件都太大舊，所以口細會食得好辛苦，要慢慢咬。個皮係溝左cornflakes黎做，雖然炸得夠脆，不過就太厚太硬。雞肉唔乾，只係冇乜味道，伴碟o既甜汁份量更少得可憐。
總括黎講，我唔會返轉頭o既原因好簡單，食物質素一般，唔值咁貴，服務欠佳，更不值得浪費時間排隊入座。
Post
