aga Restaurant & Bar

Open Now

Now Closed

嚟緊秋天，開始有朋友約去戶外活動，有啲約去行山，有啲話去燒嘢食，其中一個比較特別，但係我最鍾意，就係約去有戶外地方嘅餐廳，食下飲下嘢chill下。所以我哋今次特登先食個午飯，視察呢間朋友介紹酒吧既環境，之後再嚟happy hour。呢度戶外環境真係好舒服，座位有空間感，但其實室內都好relaxing。最估唔到系酒吧嘅食物質素都咁高。🍖叫咗個彩虹蝦肉沙律，排列得好靚，材料好新鮮，我最鍾意係佢個dressing，系牛油汁，但係一啲都唔heavy，所以食落有好多牛油味，但又保持到新鮮嘅蔬菜既好清新。🍖龍蝦汁意粉，意粉下面冇多餘汁醬，所以個擺碟會好乾淨，但係食落仲保持超強嘅龍蝦味，配合埋香煎過嫩滑嘅帶子同蟹柳，輕盈又好味。🍖跟住有個偏向日式嘅牛肉飯套餐，牛肉切割份量啱啱好，非常入味，一啖一件，唔使切最方便， 上面又有椰菜花，如果普通午飯，配合埋前菜嘅沙律，個餐其實好均衡飲食feel。不過我最鍾意係佢嘅甜品日式炸芝士年糕，佢哋喺上面巧妙咁加咗砂糖，哈哈，出嚟嘅效果竟然系冬甩嘅味道，特別好食。🍺菠蘿嘅奶蓋茶，同埋清新嘅柚子梳打，清新舒服，好似話俾我哋聽要準備迎接秋天啦。