東京一番 (Closed)

一向食開啲放題都係尖沙咀旺角區，今日同班同事聚會，佢哋話提議近近地食呢間喺荔枝角新開嘅放題！之後再去隔離唱K一入到去，意想不到地方都幾大，因為太肚餓嘅緣故，所以就走左出去熟食區，睇吓有咩可以夾入枱度食。出面有蟹粥，雪櫃亦都有好多款甜品，包括，啫喱，泡芙，和果子！可能時間仲係早，加上今日係禮拜一，所以冇乜人。坐到七點半左右開始多人。。其中有一個朋友好鍾意食榴槤，呢度嘅天婦羅居然有一款係炸榴槤！對於我呢啲唔識榴槤嘅人黎講，當我個friend係我隔離食嘅時候，簡直就係一種攻勢！不過佢就食得好滋味，聽佢講話好好味，見佢叫咗八粒一次過食晒！呢度嘅刺身好足料，好新鮮！牡丹蝦好大隻，嘢食又出得好快。另外，讚好同埋分享佢地餐廳嘅Facebook 專頁就有得送一份皇帝蟹！都幾爽唔錯唔錯下次要再嚟。