馬德里餐廳 (Closed)

雖然佢比某啲茶餐廳係貴少少，但係佢碗粉係好大碗！我多數都係食佢嘅沙嗲牛通粉！好鍾意食佢嘅通粉，因為唔會太淋！牛肉都好大塊！佢除咗可以揀豬骨湯仲可以揀羅宋湯底！不過今次我叫沙嗲牛肉，但佢俾咗火腿！同埋冇乜湯！正常嘅沙嗲牛肉配羅宋湯底通粉係咁樣嘅！好鍾意食佢個羅宋湯底，因為有啲蔬菜可以食吓！都算多蔬菜！同埋佢可以揀豬柳！好好味！腸仔都唔會好鹹！仲有兩塊好大塊嘅多士！奶茶都幾好飲！送外賣的叔叔同姐姐都好好人！