喜相逢 (砵蘭街)

Open Now

Now Closed

呢間餃子店之前已經食過幾次, 最初係因為想幫襯附近既古早味蛋糕而無意中發現。喜相逢同香港其他一般既餃子店感覺好唔同。裝修雅致, 燈光昏暗。第一下仲以為自己去左一間古色古香, 充滿傳統中國氣息既酒吧。我地今晚買返屋企食。買左半打西洋菜豬肉餃(季節限定, 之前問過幾次都話無, 今次終於試到)同半打白菜豬肉餃。西洋菜豬肉餃同白菜豬肉餃我都好鍾意,本身鍾意食西洋菜同白菜既就一定會鍾意, 因為佢地就係單純西洋菜豬肉同白菜豬肉既味道再加上佢地既自家調味, 唔鍾意某些食店自行加入薑, 蔥, 芹菜等配料落去D餃子到。食喜相逢餃子我唔會再沾其他醬汁因為佢地既內餡調味已經好足夠。所以如果大家食開其他餃子店都無沾醬既話就會覺得喜相逢既餃子重口味左D。我覺得喜相逢係一間隱世高質的北方餃子店, 同香港食開既餃子店味道口感好唔同, 內餡味濃, 餃子皮有一定既厚度, 醬料係辣椒油。