鱻匠

Open Now

Now Closed

日式小店「鱻匠」堅持使用當日新鮮嘅食材，並在現場即時製作，確保食材嘅新鮮度和品質，係我近期至愛嘅小店。餐廳主打多款刺身、壽司、丼飯定食、手卷、卷物、炸物、熟食、甜品等等，非常多元化，而且價錢非常親民。鱻匠壽司嘅製作手法非常嚴謹，包括壽司飯嘅蒸煮、切魚方式、醋飯調味等，每一個步驟都非常重要，咁樣可以保證壽司嘅口感同風味。我同媽咪一致最鍾意係佢個腐皮龍蝦壽司，腐皮甜甜哋，再配上佢個龍蝦沙律，啖啖龍蝦真係好正。另外，佢有個好特別嘅炸鰻魚，炸到外脆內軟，好考功夫。壽司好豐富，我推介飛魚籽軍艦、三文魚、吞拿魚....刺身同飯既比例又做到啱啱好，刺身厚切，飯粒飽滿，酸度適中。另外有海膽墨魚軍艦、赤貝、白鳥貝、吞拿魚、花之戀、榮螺、玻璃蝦、蒲燒鰻魚、馬刀貝、油甘魚腩、池魚，你講得出、想食嘅都有，選擇真係好多。熟食極都夠多，熟蝦壽司、玉米軍艦、炸北海道南瓜薯餅、炸軟殼蟹、芝士年糕.....真係數之不盡。