Video
Read full review
2018-02-11
54 views
近期真係試左好多麻辣火鍋，好多都係湯底香但食材一般，份量少要追加之餘價錢仲要唔平，即係唔抵食。今晚試呢間係新開嘅，應該唔似係開喺銅鑼灣尖沙咀嗰啲喺大陸台灣開過嚟嘅過江龍，見OpenRice 評分同相片唔錯，又去開嗰邊就試下啦，而且天寒地凍最啱打邊爐😚7點鐘到達，好彩有訂檯，因為都full晒，地面嗰層唔算多檯，但每張檯都好闊，方便擺放食物、調味同餐具。我哋點鴛鴦湯，麻辣紅湯牛油併醉雞鍋。個鍋上檯比去過幾間算耐，但算可接受嘅程度，而且好快滾起。首先上嘅係醉雞嘅雞 ！其實我冇諗過係會成碟雞另上，以為會係喺鍋內，而家要食先落啲雞就唔會係咁滾住好鞋而且大部分都係脾肉，食落雖然冇新東記啲醉雞翼咁濃酒味，但都入味嘅！😋個醉雞湯底一滾起已經聞到好香酒味，仲要後來愈滾愈香。另一半仲要將醉雞碟上的酒倒埋入鍋，酒味更濃，食到尾仲有陣甜味，淥菜一流👍🏻而個麻辣湯底啲牛油係另上，而家啲舖好似都興做唔同做型，呢間就做到成條錦鯉咁。個麻辣湯係小辣，而我食咁多間佢係真正小辣到我覺得我可以食到，平日嗰啲真係太辣。而且加左牛油真係幾香。同埋每檯每人都有罐麻油，真係覺得要解辣時點下真係唔錯，我本身好中意食麻油，覺得呢度嘅
7點鐘到達，好彩有訂檯，因為都full晒，地面嗰層唔算多檯，但每張檯都好闊，方便擺放食物、調味同餐具。我哋點鴛鴦湯，麻辣紅湯牛油併醉雞鍋。個鍋上檯比去過幾間算耐，但算可接受嘅程度，而且好快滾起。首先上嘅係醉雞嘅雞 ！其實我冇諗過係會成碟雞另上，以為會係喺鍋內，而家要食先落啲雞就唔會係咁滾住好鞋而且大部分都係脾肉，食落雖然冇新東記啲醉雞翼咁濃酒味，但都入味嘅！😋個醉雞湯底一滾起已經聞到好香酒味，仲要後來愈滾愈香。另一半仲要將醉雞碟上的酒倒埋入鍋，酒味更濃，食到尾仲有陣甜味，淥菜一流👍🏻
而個麻辣湯底啲牛油係另上，而家啲舖好似都興做唔同做型，呢間就做到成條錦鯉咁。個麻辣湯係小辣，而我食咁多間佢係真正小辣到我覺得我可以食到，平日嗰啲真係太辣。而且加左牛油真係幾香。同埋每檯每人都有罐麻油，真係覺得要解辣時點下真係唔錯，我本身好中意食麻油，覺得呢度嘅都幾香。
佢潛左水更加似真嘅😂
講下配料先，牛同豬肉係冇乜特別嘅講堅，不過呢間店都有好多重慶火鍋主打嘅內臟，特別牛嘅部位，例如黃喉、牛胸爽，只係我同另一半冇叫。
呢間店都主打海鮮、刺身嘅，另一半腸胃敏感，所以一向都少叫海鮮，今次我點了這墨魚滑，又唔係話好特別好好味，中規中矩啦。
講到真係好味嘅係呢個黑毛肚，處理得好好，佢切得咁大塊都係淥到潛左水再撈上嚟都唔靭。仲有鴨血（冇影相）本身已經有落調味，唔會好似有啲店唔加調味只靠湯底嘅味就有排都唔入味。而且佢好大片又唔會淥幾淥散晒。
最後我哋食埋個薯粉就好滿足喇，薯粉放左落湯一陣就軟身可以食，吸晒湯汁煙煙靭靭非常好味。我哋仲有叫娃娃菜、午餐肉同薯仔。不得不說係呢度杯茶好有驚喜，應該係玄米茶，非常香！凍左飲都好味😆
當晚埋單每人都要四百幾，雖然冇叫海鮮，但每碟差不多68-80蚊，都幾貴，但食物都幾大碟，我哋叫左一轉已經好飽。
Post
