金枕頭泰國餐廳

Open Now

Now Closed

有啲想食泰國菜所以今晚就同媽媽嚟咗屋企附近嘅嘅金枕頭，我哋已經好耐冇嚟過差唔多年幾兩年啦。 我哋呢好多人要等位所以就六點幾黎度。 雖然天氣有啲熱但都無阻我哋對泰國菜嘅熱愛。睇完餐牌之後我哋嗌咗幾樣野。 首先係細嘅冬陰公，我哋兩個人飲每人都飲到兩、三碗架，我發覺依個係枱枱必嗌嘅。 但係我見到六個人都嗌細嘅，所以細嘅份量都叫多。佢入面好足料唔係淨係得湯，蝦、秀珍菇都幾多，飲落唔係太辣，幾開胃。 跟住我地有嗌馬拉盞炒通菜，馬拉盞係幾惹味可惜通菜有啲老，所以麻麻地。炸蝦餅就冇乜特別同平時食開嘅差唔多青咖喱雞入面有埋茄子，佢餐牌寫住有兩條辣椒，食落比平時嘅青咖哩辣少少， 我覺得唔太辣接受到，配埋薄餅食都幾好，我諗送飯都會幾好食。 我覺得總體黎講其實質素算唔錯，當然唔可以同出面九龍城泰國餐廳比，但係係屋企附近黎講算係唔錯嘅選擇。