小蓉麵家

Open Now

Now Closed

有日經過此雲吞麵舖，眼見舖內光鮮企理，座位寬敞，再望一望門外餐牌，價錢合理，剛好又有點肚餓，便推門內進。餐牌上都係一貫雲吞麵舖有既湯麵、撈麵；單併、雙併、淨食、油菜等等，另外仲有飯類套餐，真係照顧到不同胃納人士。通常到雲吞麵店，我多數會試一試試該店的雲吞麵先再衡量下一次應否再來，不過今次見對面檯一位客人碟豬手撈麵又好吸引，但我又唔想食撈麵，故此叫了一客豬手湯麵加紫菜。湯麵上了兩大件豬手，外皮富光澤，有彈性，感覺很新鮮，咬一口已覺得口腔內充滿骨膠原，南乳豬手燜得很腍，很入味有咬口 ；喝一口湯，蝦味十足，亦有魚的甜味，韭黃的清香，麵條煙韌彈牙，無鹼水味桌上有一大瓶醃蘿蔔，印象中很少見雲吞麵舖有供應。蘿蔔切成薄片浸於白醋中，新鮮爽脆，讓客人當小吃，開開胃，飯後亦可清清味蕾。