叁拾咖啡室 (Closed)

呢間茶餐廳係我喺觀塘返工成日都食嘅地方, 平平地不過d 嘢食通常都有水準。今日一於食咗個早餐先去返工。🍜 沙嗲牛肉公仔麵由細到大都好鐘意食沙嗲牛肉麵, 係一種情懷, 不過唔係好多地方整得好食。呢間茶餐廳嘅沙嗲牛肉汁好濃, 撈均落個湯度都唔會變淡咗, 亦都唔會因為太濃而咸得滯。牛肉煮得剛剛熟, 所以好軟腍。🍳 火腿炒蛋配多士炒蛋好香滑, 有滑捋捋嘅感覺, 夾埋煎香嘅火腿變成火腿炒蛋多士, 好食。整體食物質素幾好, 價錢亦相宜, 係一間食得過嘅茶餐廳。