阿里山珍珠奶茶便當 (Closed)

今日早咗返公司，見有啲時間，就落街搵吓有冇咩早餐可以食下。行行吓見到依間台式飲品店有早餐所以就試吓。見佢有麵食同吐司。我毫不猶豫選擇咗吐司，佢嘅吐司係用丹麥麵包喺香港比較少見嘅種類。我揀咗雞扒滑蛋。個麵包好香來貨應該唔錯。雞扒正常冇乜特別。雞蛋見佢係即時炒所以都保持到一定嘅滑度。加埋蛋黃醬個感覺好match。而佢配嘅飲品可以揀明治4.3牛乳。我覺得係一個幾特別嘅體驗。但加埋要30幾蚊可能有啲人會覺得貴我覺得一個禮拜食一次都OK。下次可以試埋佢lunch啲便當。