大同私房菜會所

Open Now

Now Closed

原來店主係廣州過百年嘅中菜館《大同酒家》嘅後人，因為店主眼見好多特色傳統中菜已經後繼無人，喺香港創立大同會所主要係想宣揚中菜文化，希望新一代都可以食到舊時嘅中菜。燕窩鷓鴣粥以前宴會會用依度菜招呼貴賓，不過依家好少中菜廳仲有保留傳統手藝。傳統會用用上著仔蓉，而今次餐廳就重新地用上冬瓜蓉，咁樣味道就會清淡少少，加埋燕窩作為前菜就一流。大蝦多士常見嘅港式中菜，但係今次餐廳就用左大蝦，中層則用上豬肉和蝦打出蝦膠，而最底層則用上麵包。食落蝦肉彈牙鮮美濃郁，連蝦頭都炸到香脆，一啖就可以食哂。自醃味菜炒肚尖為左健康著想，餐廳故意唔用鹽醃方式，改用醋和糖，反而更加帶出糖嘅甜味。而豬肚尖係豬肚四分一嘅部位，所以特別矜貴。口感非常爽口又有醬油香。清炒涼瓜用啤水兩個鐘，沖走涼瓜本身嘅苦澀味。然後用咗清炒方式，即係冇落油和熱水，所以亦瓜身仲係翠綠色又可以保持到營養。蜜汁火方平時出面食到嘅多數都係用連子，餐廳就加以改良，使用菠蘿代替，咁樣就可以中和火腿嘅油膩感，加埋麵包夾埋一齊就perfect。廣州荔灣豉椒炒蟹選用新鮮靚肉蟹，再用豉椒大火爆炒蟹。蟹肉肉質呈一絲絲狀，而味道極之鮮美。驚喜嘅係辣味更加帶出蟹嘅鮮甜。