鮨見 (Closed)

最近工作有點失意， 放工都冇興趣搵啲朋友吃喝玩，決定自己一個搵好嘢食。今次就試下豪啲， 廚師發板， 過去喺香港其實都食過， 不過點都覺得唔及日本嘅好。 今次呢間以家庭小店作主題入到去真係以為去咗一個日本人嘅屋企。 而師傅更加係東京人。 佢用佢嘅簡單英文加國語為我介紹。前菜， 漬物八爪魚，個味道有趣既。蒸蛋內有瑤柱同，雜菇， 味道清新，個蛋夠滑。金目鯛壽司，深海池魚壽司，拖羅壽司，鯛魚真鯛壽司，左口魚壽司，帶子壽司，生蠔壽司，海鰻壽司，馬糞海膽壽司，帶魚壽司， 壽司每次一件一件咁上， 味道方面 ，都係師傅選擇去認為最佳嘅材料， 係新鮮嘅， 但係我最驚喜嘅， 係今次食壽司發板， 好似睇咗一場真人表演咁。 味噌湯，普通啦，最後自家制豆腐雪糕， 作為一個甜美嘅終結 ，真係啱啱好。價錢上面， 唔算平， 但係食完之後， 我嘅心情放鬆咗， 好似用錢搵咗一個大叔同我傾計咁。