麵屋武藏 武骨 (The LOHAS康城) (Closed)

好味指數： 👅👅👅👅回頭指數： ⭐️⭐️⭐️⭐️⭐️抵食指數： 💰💰💰💰買左戲票黎到日出康城睇電影，第一次黎呢個商場原來都唔細，但得開場前半小時食飯，揀咗麵屋武藏👍🏻好幾年前都食過東港城分店， 印象唔錯， 記得佢最signature 係個黑蒜油湯，不過今次我就試白湯👅其實佢連鎖店黎講，keep 到水準，價錢合理，唔洗加錢 包埋有玉子有紫菜算很唔錯！☺️白武骨 豚角煮 $80 😋麵質中等 粗幼適中 有咬口😋湯底味濃 但唔覺太咸😋舊豬肉 肥瘦平衡 有豬肉味 肥的唔覺膩 瘦的唔覺鞋😋唔洗加錢有玉子 有紫菜 😋玉子半流心 正😋上面綠色一條條果啲唔係蔥，係菜黎（似西洋菜） 都幾配😵‍💫唯獨係枱面有啲濕（佢壺凍水嘅倒汗水）清潔有待改善👍🏻整體上各項重點都中規中矩，算好唔錯，一路食一路讚😂不過！食完之後 口渴左半日🥲佢落左幾多味精就不得而知了🥶🥶🥶整體覺得，臨時黎到康城，想食餐快飯，食吓湯麵，唔洗排隊 係唔錯嘅選擇☺️應該有下次的！