Video
Read full review
2019-05-17
574 views
花掉幾翻心機，終於係網上搵到間寵物餐廳咯。先打電話訂檯確認一下穩陣喇，不幸地狗狗西餐已經沽清，只剩狗狗 cup cake 呢。照殺無緊要，有野食已好好，立即飛的到達山林道開飯。有從來未見過、未飲過既高濃度啤酒供應，多種口味非常新奇啊！最重要食物出得廳堂，款色一點都不普通，色香味兼備！就連服務都夠熱情周到，感覺溫暖親民，讚讚！雖然開放式西餐廳舖面細細，不過內籠骨子優雅，坐得尚算舒服。高檯偏細，我咁大食那夠位放食物呢，幸好比四座位我地乍。侍應們都十分親民有禮，食得開心舒服。另外，最衰洗手間要到隔離商場 2 樓，仲要用鎖匙，好不方便。好多狗狗左騰右騰好搞笑、得意、有趣！餐廳還提供專給狗狗食既點心及西餐，狗狗們有得食有得玩又多狗朋友當然勁開心啦。好少見柴犬那麼乖，好靚女呢。有趣的 Ace、King、Queen、Jack 啤酒，睇睇簡介 Ace 酒精 10% 最高，就試您啦 ﹗甘苦味突出，未必能個個受落，微弱水果香氣，我還可以的。急急地飲，真係有點醉意喎。煙三文魚凱撒沙律，簡單調配鮮嫩有水份冰涼雜菜，煙薰咸香三文魚捲上菜蔬芝士碎，傳統配搭還不錯呢。蟹肉薯皮，噴住煙滾熱辣新鮮出爐，忍不住豪氣地整件
有從來未見過、未飲過既高濃度啤酒供應，多種口味非常新奇啊！最重要食物出得廳堂，款色一點都不普通，色香味兼備！就連服務都夠熱情周到，感覺溫暖親民，讚讚！雖然開放式西餐廳舖面細細，不過內籠骨子優雅，坐得尚算舒服。高檯偏細，我咁大食那夠位放食物呢，幸好比四座位我地乍。
侍應們都十分親民有禮，食得開心舒服。另外，最衰洗手間要到隔離商場 2 樓，仲要用鎖匙，好不方便。好多狗狗左騰右騰好搞笑、得意、有趣！餐廳還提供專給狗狗食既點心及西餐，狗狗們有得食有得玩又多狗朋友當然勁開心啦。好少見柴犬那麼乖，好靚女呢。
有趣的 Ace、King、Queen、Jack 啤酒，睇睇簡介 Ace 酒精 10% 最高，就試您啦 ﹗甘苦味突出，未必能個個受落，微弱水果香氣，我還可以的。急急地飲，真係有點醉意喎。煙三文魚凱撒沙律，簡單調配鮮嫩有水份冰涼雜菜，煙薰咸香三文魚捲上菜蔬芝士碎，傳統配搭還不錯呢。
蟹肉薯皮，噴住煙滾熱辣新鮮出爐，忍不住豪氣地整件塞入嘴仔，燙到颷眼水咯 ﹗不太食到蟹肉，忌廉茄醬味霸道，幸好還食得到薯仔原始清甜味道。薯皮香口，薯仔肉濕潤帶棉，食得過。鮮蟹肉意粉，賣相有點睇頭，味道比較平凡。雪藏熟蟹腳沒鮮味是預料之內，熟蟹腳再翻焗變得乾如魷魚絲都是預料之內。香草炒意粉乾爽帶黏黏感覺，不過不失合格的唔難食，淋上辣椒仔汁添點酸辣更加可口。
Classic burger 加蘑菇，驚典漢堡？最後一份肉眼扒剛剛賣掉，無食神無陰功，唯有食 burger 啦。麵包腍得有點古怪，不軟塾沒彈性，死屍的感覺，陰沉不香缺乏鮮味。用料特級豐富，夾到厚厚的，眼到已非常開心興奮呢﹗擘盡我的嘴仔都未能一口咬得到，要壓扁一點才能處理。鬆軟味淡的嫩嫩真漢堡扒，外層全熟微脆焦香，包著淺紅濕潤多汁嫩肉在內。兩種質地相亙交錯，搭上甘香蛋黃、炒蘑菇、沙律菜，精采滿分，食得我心花怒放﹗加點茄汁加點芥辣更是開胃，爽到震呀﹗
炸粗薯條，不愛薯條的我，突然想食薯條，就散叫一份吧。鮮炸夠得戚，外脆內軟薯味滿瀉好功夫，輕鹽點綴提味剛剛好﹗生啤，有卓頭有睇頭，極有維京 feel 喎﹗冰凍大大啖直灌落肚，甘苦味濃郁，餘韻清爽，味道夠獨特。酒精濃度高，味道還可以的，但不太容易愛上。
狗狗專屬 cup cake，當然我地無試味吧，聞落完全沒有氣味的。狗狗專屬雞肉菠菜卷，真有食神 ﹗原本一早訂滿的雞肉菠菜卷因為個客放飛機缺度，依家多左一份，非常有運﹗但狗狗居然掛住玩唔肯食野，浪費食物浪費金錢。唯有請其他狗狗品嚐啦，衰仔﹗
Ace
11 views
0 likes
0 comments
煙三文魚凱撒沙律
6 views
0 likes
0 comments
蟹肉薯皮
5 views
0 likes
0 comments
鮮蟹肉意粉
6 views
0 likes
0 comments
Classic burger 加蘑菇
4 views
0 likes
0 comments
Classic burger 加蘑菇
6 views
0 likes
0 comments
炸粗薯條
12 views
0 likes
0 comments
牛角生啤
6 views
0 likes
0 comments
狗狗專屬 cup cake
15 views
0 likes
0 comments
狗狗專屬雞肉菠菜卷
5 views
0 likes
0 comments
Post
