渝痴漁醉 (Closed)

想食辣野，馬鞍山都唔係無選擇，經過傷心酸辣粉，準備走入去，但俾隔離個水牌吸引左，烤魚，雞煲?但入口得一個，就係傷心酸辣粉個入口，但招牌明明寫渝痴如醉，媽，我好亂啊！入到去原來兩個鋪位打通，估計係同一個老細，全低後點菜，叫左烤魚，店員問要咩辣，我賤內話要中辣，店員有稍微提醒，第一次試小辣就好，最後決定要小辣，再加個手撕雞撈麵，水牌個樣好吸引。魚一上枱，麻辣味最為明顯，香氣撲鼻，魚肉好鮮美，新鮮魚無誤，魚皮有少少焦，食落香口，真係有烤過，面頭有啲黃豆，炸過，香脆，小辣明顯辣味不足，食得辣既朋友可以試中辣，整體高分，cp值高。呢個手撕雞撈麵其實就係用左口水雞個醬黎撈，味道唔錯麵條夠冰冷，我叫左中辣，整體味道好，但紅油太多，口感好肥膩，要扣一扣分。