Notte (Closed)

上次好朋友OT甩咗底，今晚終於準時收工。所以就同佢延續FINE DINING心願，㨂咗呢間座落銅鑼灣海邊由幾個九十後小伙子開嘅餐廳，品嚐一下依家啲九十後心中美食嘅定義水準。先食啲麥包開下口，幾鐘意呢度將牛油雪得硬身做成雪花狀，配上熱包慢慢溶化幾唔錯。前菜。蟹肉沙律波配蜜瓜帕馬火腿。一啖一件的的色色咁幾開胃，兩樣都酸甜平衡再伴上陳年酒醋醬，令人食慾大增。滷煮鮑魚配大根。飽魚好入味同彈牙，成舊攞入口夠滋味。下面墊底嘅大根入口即化又有淡淡高湯味道，兩者配搭得好出色。蘇格蘭煙燻三文魚。不得不講件三文魚真係好厚，一件有成兩粒麻將咁大。咸味啱啱好魚脂偏少但味道濃厚。香煎鱸魚伴竹洋蔥蘿蔔。鱸魚本身係偏油脂豐富嘅魚，配上即場噴灑嘅白酒果醋，減少油膩感之餘亦提香不少。魚肉細嫩配上洋蔥蘿蔔絲及青豆好好食。煙肉芝士寛意粉。煙肉厚身所以油香唔錯。而意粉上枱時店員再額外刨上芝士碎增加風味，鐘意芝士嘅可以要求再多一點。可惜分量只作過場之食所以唔太多。野菌湯。店員先放低只有野菌嘅湯碗，再拎出裝有湯嘅茶壺慢慢倒入湯碗之中。倒嘅過程充分散發野菌嘅香氣。湯水睇落好清但飲落味道十分濃郁。淡淡菇香洗去不少飽肚感。紅酒汁豬鞍配