台灣郎 (Closed)

今日同同事一齊食飯，行到嚟銀幕街，見到附近餐廳幾乎都爆滿，唯獨是「台灣郎」有位坐，我哋二話不說咁走咗入去攞位。最後，我嗌左一份自選套餐食（ $66 ）。食物味道不錯。上海浸時蔬，感覺清新可口。秘製香烤雞扒香口，但略嫌乾身。新竹米粉湯清淡宜人。蜂蜜薑茶健康有益，唔算太甜。服務唔錯，上菜速度快，舉手後店員迅速前嚟跟進。環境尚可接受，裝修風格有其風格，坐得唔算太迫。總括而言，食物味道同服務都唔錯，唯獨是食物份量太少，價格偏高，若然份量增多會令客人更滿足。