批&撻專門店 (Closed)

每次經過pie & tart個凍餅櫃都望實d迷你撻仔，不過到琴日先至試，因為畢竟係「批&撻」專門店，唔知d撻仔會係咩野味道。買左2個最能吸引我既撻 迷你朱古力撻仔$4睇佢個樣總覺得果d朱古力cream係好硬既，但原來唔係。朱古力味頗濃，甜度適中，雖然未夠滑，但係$4@可以做到咁濃朱古力味，經已彌補哂。而撻皮就無咩特別，都算係脆，不過牛油味欠奉。也好，加埋朱古力cream都唔會滯迷你栗子撻仔 $4粟子cream比起朱古力cream粗糙好多，與「軟滑」仲有段距離；栗子味係一貫出面食到既栗子cream既味道，甜度稍高，撻皮有層薄朱古力，係味道上作用不大，但食食下見到有層朱古力，即刻加哂分2個迷你撻都係$4@ 佢賣$12/3個 其實買幾多個都係$4@作為下午茶小甜品係非常合適。