Video
Read full review
2012-03-26
85 views
老公要去 TKO 做野，叫我搵定地方食野~上 openrice 睇睇，呢間小店好似 comment 唔錯，決定去一試。個個地方我勁熟悉，因為公司其中一間分店曾經都係個度...個日都叫做 weekday，但估唔到都9成滿喎!! 入到去，間小店其實唔係小店，係超迷你店... 全間舖得4-5 tables，仲有d bar tables 咁... 店員安排左我地坐高... 但其實好迫，而且唔多舒服。由於星期一至四夜晚有 dinner set，而且個 set 仲可以揀野食既，所以我同老公就一人一個 set 啦~個 set 有得揀好似1款前菜，2款燒烤，1款燒菜，1款甜品，1款飲品。+$5 轉左個飯做蝦子撈麵，係小店既推介黎既，不過鹹到飛起!!! 前菜有我好鐘意既海蜇+青瓜，不過我唔鐘意小店個隻味，因為係有d 酸酸地個隻味道... 我諗鐘意酸酸vinegar 味既人會好鐘意。豆腐夠熱，炸蒜片都 ok，不過唔夠鹹同辣。有d 失望。side order 既燒牛 tongue，係小店推介既。果然無介紹錯，老公話好正，非常recommend 的，不過本人唔食牛，無得試。呢個係芝士迷都會好喜歡的，因為真係
老公要去 TKO 做野，叫我搵定地方食野~
上 openrice 睇睇，呢間小店好似 comment 唔錯，決定去一試。個個地方我勁熟悉，因為公司其中一間分店曾經都係個度...
個日都叫做 weekday，但估唔到都9成滿喎!!
入到去，間小店其實唔係小店，係超迷你店... 全間舖得4-5 tables，仲有d bar tables 咁... 店員安排左我地坐高... 但其實好迫，而且唔多舒服。
由於星期一至四夜晚有 dinner set，而且個 set 仲可以揀野食既，所以我同老公就一人一個 set 啦~個 set 有得揀好似1款前菜，2款燒烤，1款燒菜，1款甜品，1款飲品。
+$5 轉左個飯做蝦子撈麵，係小店既推介黎既，不過鹹到飛起!!!
前菜有我好鐘意既海蜇+青瓜，不過我唔鐘意小店個隻味，因為係有d 酸酸地個隻味道... 我諗鐘意酸酸vinegar 味既人會好鐘意。
豆腐夠熱，炸蒜片都 ok，不過唔夠鹹同辣。有d 失望。
side order 既燒牛 tongue，係小店推介既。果然無介紹錯，老公話好正，非常recommend 的，不過本人唔食牛，無得試。
呢個係芝士迷都會好喜歡的，因為真係勁多芝士，但又唔會漏喎!! 好正!! 不過... zucchini 好似好平咋喎，唔使片咁薄呀...............?? 仲要得兩塊咁大把...?!
我個 set 的主菜係豬仔骨... 有點兒後悔叫左呢個.. 食落好似叉燒!! ~~><~~相反我老公的燒羊扒，我老公話好正好香又唔騷!!
呢個係我全晚最喜歡既菜!! 好多餐廳都慢慢有推出燒 pineapple，但係呢個 style 我都第一次見，而且好夾，好好味!!!!
Other Info. :
店子真係好小，我地食到一半已經唔夠位擺野食，而且無位擺袋 (唔似食sushi 有條 bar 比你攝個袋係 table 底)，食得都幾辛苦... 見到有正常既 tables 吉左兩張，我地 request 想搬落去，個店員竟然答我地：可以幫你搬落去，但有人黎你要搬返上去 bar table 喎..... = =" 真係有d o 左咀... 後尾過左好耐都無人黎，佢話好喇，幫你搬落去啦，但麻煩你地食完就盡快賣單走類似咁既說話........... 我想話，其實你禮貌小小我唔介意，而且我地都係諗住食完就走... 無諗住係度賴死唔走囉!! 仲有d 木 chairs 又唔係特別舒服令人想坐好耐......... 同埋我地又唔係叫兩串野食，坐係度傾通宵.... 佢咁講真係令客人有d 唔舒服囉!! btw，到我地走，d tables 都差唔多吉晒，而且無其他客人 walk in...
同埋個餐包一個 drink 的，問佢有咩飲，店員答我地：有氣水囉，可樂呀，七喜呀，呀，仲有黃老吉添... 我老公叫左黃老吉諗住下o下火，點知到埋單個陣，無啦啦加左 $2，問佢係咩，佢話補返黃老吉既差價囉... 咁你又唔早講要加錢!!!
(The above review is the personal opinion of a user which does not represent OpenRice's point of view.)
Post
