康瑞涼茶 (Moved) New Location

我一直都係芋圓既FANS，去台北的話起碼會食幾餐，而係香港覺得好食既只有一兩間。見呢排人氣咁爆，呢次星期六又咁岩經過，一於去朝下聖，睇下呢間街坊涼茶店有咩特別之處。去到真係嚇左一跳，有成三十個人係店出面等緊。因為果晚好熱，而且等晚地方好逼，所以都幾辛苦。究竟等接近半個鐘食個外賣值唔值呢？當晚我點左個特式仙草百配（$25）。真係好好食。芋圓完全係又香又彈牙，薏米又多口感好好，而且糖水唔多，所以感覺好養身，食完無乜罪疚感。奶精係分開放既，我就只係落左少少，味道好夾。呢間都算係係香港食過水準比較高既芋圓。但如果要等多過十分鐘，都係唔獨值得架喇。或者如果下次再想食，就揀個平日晚上啦。