弘 CHIRASHI (Closed)

回想起在北海道打工時、基乎一星期總有一次去食北海道長腳蟹、新鮮不在話下、價錢平到笑、真係好懷念噢。最近得知灣仔有間日本料理店、有特色松葉蟹二重丼、總之係蟹我一定不會放過。舖頭細細、坐位有點擠迫、但無礙我享受蟹的樂趣。天氣潮濕、先喝杯有氣的蜜桃水蜜蜜、感覺清涼消暑。我的至愛松葉蟹二重丼來了！嘩！造型先聲奪人、那種壓埸的氣勢無得輸。蟹腳肉質鮮味、啖啖肉。蟹蓋以為鋪滿蟹膏、誰知原來係有少少蟹膏嘅蒸蛋、火喉過了、疍有點老。由於蟹膏份量太少了、食不出味兒。飯粒充滿鮮味、還有粒粒蟹籽增添口感、確不錯。食過蟹後有點滿足。再來一碗極上二段丼、這款氣勢雖然有點遜色、但味道方面真係半斤八兩、都係同樣咁美味。上層的刺身三文魚、北寄貝、吞拿魚腩、間八、帆立貝、蟹鉗、海膽、蛋和青瓜、每款都非常新鮮、滋味無窮。下層有葱花吞魚腩碎、蛋三文魚籽和我最期待的蟹膏呀！我眼晴即時發光。由於飯是用上日本產米、口感非常諗口和甜美。飯粒無論混入魚腩碎、蛋三文魚籽、又或蟹膏、一樣美味停不了口。食過美味的蟹、有點衝動想即時訂飛機票回北海道再食過。