Video
Read full review
2024-03-25
1553 views
真係食到好谷氣，我其實已經食過三次，今次係第四次，亦都最後一次。先講服務態度，我在Togeta，分別買左三次coupon共6位，因為要配合其他家人，所以分開左訂，訂左星期日食，我星期五就打去想訂一張6人枱，嗰個嬸嬸聽電話一聽到我話買咗三張二人coupon，佢就即刻好激動咁同我講，你而家先講，我哋好少六人枱，你買三張就係畀三張二人枱你，咁我都平心靜氣同佢講，咁你而家有冇吖？有咪畀我囉，冇咪由佢囉，我都係唔想嘥咗你三張二人枱啫，跟住佢又死死地氣咁話有，但我就好谷氣囉，我係客打嚟訂枱都要畀人鬧。其實佢知唔知道點解佢哋要喺網上賣coupon呀？就係因為佢冇生意嘛！咁嘅態度對客，點會有客幫襯呀！未食都咁受氣，唔怪得啲人個個都上大陸食啦！又平又好服侍！唉！再講係食物，以前有炒粉麵飯，依家咩都冇，得幾款點心，以前大排檔啲食物可以落單點，依家就佢鐘意整就有，唔整就冇得食，冇得要求，同餐牌完全唔對辦，最攪笑係甜品，無論你幾點落單，都係臨收檔前全場一齊派，唔知想點，奶茶冇晒佢就喺你面前直接加水，咁都得？其實全間鋪個個員工態度都好一致，就係晦氣，我聽住有個客問佢地有冇豬腳薑，個員工反應非常快，大大聲答：冇喎
先講服務態度，我在Togeta，分別買左三次coupon共6位，因為要配合其他家人，所以分開左訂，訂左星期日食，我星期五就打去想訂一張6人枱，嗰個嬸嬸聽電話一聽到我話買咗三張二人coupon，佢就即刻好激動咁同我講，你而家先講，我哋好少六人枱，你買三張就係畀三張二人枱你，咁我都平心靜氣同佢講，咁你而家有冇吖？有咪畀我囉，冇咪由佢囉，我都係唔想嘥咗你三張二人枱啫，跟住佢又死死地氣咁話有，但我就好谷氣囉，我係客打嚟訂枱都要畀人鬧。其實佢知唔知道點解佢哋要喺網上賣coupon呀？就係因為佢冇生意嘛！咁嘅態度對客，點會有客幫襯呀！未食都咁受氣，唔怪得啲人個個都上大陸食啦！又平又好服侍！唉！
再講係食物，以前有炒粉麵飯，依家咩都冇，得幾款點心，以前大排檔啲食物可以落單點，依家就佢鐘意整就有，唔整就冇得食，冇得要求，同餐牌完全唔對辦，最攪笑係甜品，無論你幾點落單，都係臨收檔前全場一齊派，唔知想點，奶茶冇晒佢就喺你面前直接加水，咁都得？
其實全間鋪個個員工態度都好一致，就係晦氣，我聽住有個客問佢地有冇豬腳薑，個員工反應非常快，大大聲答：冇喎，不嬲都冇㗎啦，個客好尷尬全場望住佢，真係慘！就連最低成本嘅假碗仔翅都冇啦！
其實就算佢做到幾平都冇用，食物唔得，地方殘舊，員工態度勁差，依家香港人唔係冇錢先返大陸食嘢，係唔想再受氣呀！香港飲食業真係比呢啲劣質食肆拖跨了！
大家請小心選擇！
Post