利苑粥麵專家 (Closed)

今日去咗SOGO，諗住簡簡單單食碗麵充飢，就走咗去SOGO後面嘅利苑 (因為懶，唔想行咁遠)。一碗牛腩麵，加支可樂。可樂，居然唔夠凍，唔凍嘅可樂，係唔好飲，點解利苑會咁失策，唔通嗰汽水柜壞了。牛腩麵到，湯底依然，但麵似乎退步了，唔夠爽，唔夠彈牙，有d腍，的確唔好食；至於牛腩，一向都不寄予厚望，亦都唔會預期會有進步，味道足，但嚡口。臨走前，必定叫碗紅豆沙，係讀書時期嘅至愛，亦都係利苑唯一嘅甜品；足料，有蓮子和陳皮；蓮子已去芯，所以冇苦澀味；陳皮味亦不弱，唔錯；紅豆煮得夠火喉，夠沙之餘，仲有d爆咗又未爛哂嘅紅豆，係好屋企嘅感覺，只可惜唔夠凍，因為利苑嘅紅豆沙，係擺係汽水柜入面，所以有影響，希望老闆留意一吓，睇吓是否需要換機。埋單$51。