聰嫂私房甜品 (Closed)

一個好食既甜品係可以為星期五畫上完美句號。今個星期五一行８人難得約到入坑口食飯，當然唔小得要去聰嫂搵榴槤豬啦！夜晚１０點幾８個人去，要排隊都預咗，好彩都只係排３，４個字，比想像中快！入到去我地基本上都吾洗睇餐牌，落左７個榴槤水晶珠，１個龍眼椰果冰。甜品照舊好快就到，個個碗都好似岩岩洗完仲濕，另外仲痴住啲出單紙，不過who care?!榴槤豬一到，最重要係睇面頭既榴槤肉多吾多，即使吾多，都要睇個份量正吾正常。點知今次見吾到啲肉，得啲珠同冰。我係度諗係咪多人嗌就會分薄左?定係覺得我冇黎食過?定係轉左整法??7碗都咁,想點?友人話都唔係冇既，佢混埋入啲冰度姐，是但啦！望住出面企咁多人排隊，大家都想食完快啲走，因為太迫，坐得又唔舒服，所以冇叫佢換。幫襯會繼續幫襯既，但下次要食龍眼水晶珠，友人話好夠味，又夠料！重要平過兜冇肉既榴槤水晶珠！