Video
Read full review
2018-09-16
3473 views
幾個月前嚟食過,嗰陣時係叫套餐,覺得非常抵食又好味,所以今日再嚟食多次.雖然唔係好記得幾個月前嗰個套餐有乜嘢,但係感覺上好似冇咁抵. 起碼當時係送汽水嘅但係而家冇.高湯焗開邊美國龍蝦12邊配讚岐烏冬,菜單上面係咁樣寫嘅.但係因為龍蝦冇貨,所以換咗做中蝦.侍應話有斤幾重,視覺上好似勉強1斤.眼定定見到隔離嗰張枱仲有龍蝦,而且份量都唔少,今晚食到我個頭先至冇都冇計啦.蝦就普通喇,但係我食到中途就諗起,乜唔係配讚岐烏冬嘅咩. 家姐話烏冬都有幼身嘅.即刻上網查一下,唔係喎,讚岐烏冬真係應該粗㗎喎.不過算啦或者我搵唔到啫.碧綠名醬蘭花蚌帶子無論係桂花蚌或者帶子,份量都唔係太足夠,唯有就住就住咁食.但係又真係抄得唔錯嘅,OK啦.紅燒雞絲大生翅 ,翅就少咗啲,如果少咗翅嘅話就只不過係生粉水不過支持環保都係好事嚟嘅.呢個套餐有乳豬,去飲又好普通食飯又好,乳豬通常都係最早到,今次佢食到中途先至嚟. 依然係皮脆肉嫩,熱辣辣食又香又可口.欖豉蒸原條大龍躉,條魚雖然稱唔上大,但真係幾鮮味,而且蒸得啱啱好,非常滑嫩.龍閣蛋白脆皮雞,雞唔大隻,炸到皮脆,但肉唔算嫩,不過未至於乾,本身已經好夠味,唔駛點鹽都食得.蟲
雖然唔係好記得幾個月前嗰個套餐有乜嘢,但係感覺上好似冇咁抵. 起碼當時係送汽水嘅但係而家冇.
高湯焗開邊美國龍蝦12邊配讚岐烏冬,菜單上面係咁樣寫嘅.但係因為龍蝦冇貨,所以換咗做中蝦.侍應話有斤幾重,視覺上好似勉強1斤.眼定定見到隔離嗰張枱仲有龍蝦,而且份量都唔少,今晚食到我個頭先至冇都冇計啦.蝦就普通喇,但係我食到中途就諗起,乜唔係配讚岐烏冬嘅咩. 家姐話烏冬都有幼身嘅.即刻上網查一下,唔係喎,讚岐烏冬真係應該粗㗎喎.不過算啦或者我搵唔到啫.
碧綠名醬蘭花蚌帶子無論係桂花蚌或者帶子,份量都唔係太足夠,唯有就住就住咁食.但係又真係抄得唔錯嘅,OK啦.
紅燒雞絲大生翅 ,翅就少咗啲,如果少咗翅嘅話就只不過係生粉水不過支持環保都係好事嚟嘅.
呢個套餐有乳豬,去飲又好普通食飯又好,乳豬通常都係最早到,今次佢食到中途先至嚟. 依然係皮脆肉嫩,熱辣辣食又香又可口.
欖豉蒸原條大龍躉,條魚雖然稱唔上大,但真係幾鮮味,而且蒸得啱啱好,非常滑嫩.
龍閣蛋白脆皮雞,雞唔大隻,炸到皮脆,但肉唔算嫩,不過未至於乾,本身已經好夠味,唔駛點鹽都食得.
蟲草花黑蒜浸翡翠,黑蒜嘅味道真係非常濃沃, 蓋咗蟲草花同埋菜嘅味道,不過完全冇問題,係加分要素~
碧綠錦繡炒飯,蝦相當少,random咁畢飯,每個人無一隻.不過好彩飯算粒粒分明.
香滑流沙包,不嬲唔太好流沙包所以冇食,不過我屋企人話我幾唔錯.
今次嚟呢度食飯真係少咗當初嗰種又平又靚又好味既感動.所有碟頭都扁細份量少,而且味道拉返勻只係不過不失,近期唔會再來了,希望下次會更好.
Post
