雲南風味 (Closed)

見咁多人留意呢間小店﹐想講下d個人感受：作為觀塘街坊幫襯多年﹐以前一個星期去3、4日﹐一直覺得食物特別得黎﹐好食又唔貴。近年雖然人氣越來越高﹐但食物質素卻似乎每況愈下﹐所以我都越來越少去了....用料好明顯「縮水」﹐除了已經無得送好淡味的豆漿之外﹐以我最常點的為例：茄醬米線(茄醬份量少了三份一)、小鍋米線(酸味不如以往般濃﹐食得出應該轉左酸菜)、羊乳餅都切得比以前薄左...雖說現時成本上漲﹐難得偏僻小店辦得甚有特色﹐也儲到人氣。我寧願老闆娘為保持食物質素而稍為加價﹐話晒雲南風味都係因為食物而吸引咁多人遠道幫襯。可能是廚房會間中換人的關係﹐煮出來的米線好唔穩定﹐時而爽滑軟度適中﹐時而稔得滯﹐仲會碎濕濕咁...依家間唔時仍然會幫襯(麻辣雞都仲ok)﹐對於未試過雲南小食的朋友﹐這小店仍然是個選擇(因為價錢平)﹐但真係俾唔出個笑囉....除非老闆娘覺得生意多左唔志在客人點諗﹐否則希望可以改進下啦﹐要不然大家少了個好味選擇真係可惜!