陳勤記鹵鵝飯店 (Closed)

老友又要遠走阿布達比六星期，於是又極速約食飯聚一聚，佢走左無人話比我聽邊隻紅酒抵飲了﹗諗住唔好成日買外賣，搵間野食下，點知又係來番呢度，咁同買外賣又有咩分別呢？今晚點左勁多送，有蠔仔粥、蠔餅、紅腸墨魚、鵝翼、鵝件、豬頸肉、四寶紫菜湯、仲有我唔食的豬紅，除了豬紅佢地話食落唔太靚比較粉之外，樣樣都keep到水準，老字對即係老字號，難怪老友對呢度特別鍾情﹗我自己最鍾意食當然就係蠔仔粥同紫菜湯啦，蠔仔粥好香勁多蠔，食落粥身不爛現粒狀但綿，食左三大碗呢﹗堂食坐得不太舒服，老鋪就係有呢個問題，人手亦不夠﹗估唔到咁多人來呢度食飯呢﹗要再聚又要等新年喇，一路順風﹗