神燈海鮮酒家 (18廣場)

Open Now

Now Closed

食得西餐同日本嘢多，有時都會想食下中餐🍜早幾日就同左爸媽仔仔一齊去咗神燈海鮮酒家食晚飯🥢見到好多人都點海鮮，所以我哋都點左糯米炒膏蟹同星洲麥皮蝦。大大隻嘅膏蟹真係有好多膏又啖啖肉😍肉質鮮味又夠厚實，好新鮮。糯米飯口感夠煙韌又夠入味，連仔仔都話yummy😋大頭蝦都好大隻，肉質彈牙，剝咗殼之後再沾上惹味香脆嘅麥皮，真係好香口👍🏼就咁攞嚟送飯都好正😆即燒脆皮乳豬嘅乳豬皮真係特別香脆，咬落脆卜卜，一上枱已經聞到好香嘅燒烤味👃🏻豬仔腳呢個菜式真係唔係度度有得食🤩所以我同媽咪一見到就即刻要點。果然冇令我哋失望，滷水唔會死鹹啱啱好，豬仔腳肉質夠林而外皮又夠軟，真係食唔停口🤤媽咪特登點紅燒妙齡乳鴿比仔仔食。外皮炸得香脆，肉質嫩滑多汁。雲耳百合炒鮮淮山清清地，所有食材口感爽脆。