Video
Read full review
2020-02-12
2786 views
本人是個節日控，什麼節日都要慶祝一番，其實就是找藉口給自己食好D. 耳濡目染之下先生也變得跟我一樣，什麼都會想慶祝一番。 話說1月7號是小兩口結婚滿一個月，而碰巧呢間餐廳做緊晚市main course 買一送一優惠（經由特定app訂台），於是1月7號晚放工後小兩口就book左呢間餐廳用餐。 我本人食過呢間餐廳好多次，但先生第一次來。一開始知道食川菜/中餐以為環境/setting 一定普普通通。殊不知一入餐廳就已經好驚喜。餐廳在19樓，可望到中環city view。雖然不是海景，但勝在夠開揚，裝修亦高級，有種中式fine dining 的感覺。 一坐低侍應就問我地要still/ sparkling water, 留意番無tap water 提供。我記得呢間餐廳的茶都幾好飲同幾特別（有羅漢果菊花 / 人參烏龍可選擇），同埋因為係weekday第二日要返工，所以都無order 酒精飲品。茶介每人HKD 20.以茶的質素來講，CP值都算高。 因為不是好餓的關係，我地無order前菜，直接order main course。因為我好中意食辣野，但先生就無法接受太辣，因此我地order 左避風塘雞
耳濡目染之下先生也變得跟我一樣，什麼都會想慶祝一番。
話說1月7號是小兩口結婚滿一個月，而碰巧呢間餐廳做緊晚市main course 買一送一優惠（經由特定app訂台），於是1月7號晚放工後小兩口就book左呢間餐廳用餐。
我本人食過呢間餐廳好多次，但先生第一次來。一開始知道食川菜/中餐以為環境/setting 一定普普通通。殊不知一入餐廳就已經好驚喜。餐廳在19樓，可望到中環city view。雖然不是海景，但勝在夠開揚，裝修亦高級，有種中式fine dining 的感覺。
一坐低侍應就問我地要still/ sparkling water, 留意番無tap water 提供。我記得呢間餐廳的茶都幾好飲同幾特別（有羅漢果菊花 / 人參烏龍可選擇），同埋因為係weekday第二日要返工，所以都無order 酒精飲品。茶介每人HKD 20.以茶的質素來講，CP值都算高。
因為不是好餓的關係，我地無order前菜，直接order main course。因為我好中意食辣野，但先生就無法接受太辣，因此我地order 左避風塘雞柳（辣）及蔥爆牛肉（唔辣）。
先講避風塘雞柳，眼見好多好多指天椒好似好恐怖，其實唔食d辣椒既話，個雞柳的辣度係可以接受的（以我先生的標準-因為本人食得辣的標準異于常人）。而雞柳的分量亦會好多，d 炸蒜米配飯好正！
至於蔥爆牛肉，本小姐其實麻麻地食蔥，但呢道菜好有驚喜啊！牛肉好好好嫩，又大塊，而d 蔥係甜甜地，完全唔覺得太生或太重味道，大推介！
最後原來先生準備了個小surprise 比我，但因為唔識表達結婚一個月的關係，他同餐廳講係wedding anniversary （結婚周年）！哈哈無所謂啦最緊要開心！甜品係綠茶紅豆鍋餅。有別于傳統鍋餅，呢個鍋餅外層好脆，層皮有微微的綠茶味，而紅豆餡亦唔會過甜，剛剛好！
食完甜品就埋單啦！雖然不是驚為天人的一餐，但我好珍惜同先生每一次的慶祝，因為是我們感情路上的里程碑。期望將來我們可以繼續試更多好味+有特色的餐廳！
Post
