美心小品

Open Now

Now Closed

想平平地食餐西式食物，呢度就岩晒，多款意粉/焗薯/漢堡都有提供，價錢都係幾十蚊，逆市之選 呢客鮮忌廉雜菌意粉 ($60)，除左意粉仲有片法飽，份量相當對眼 菇菌切成片以鮮忌廉煮成醬汁，入口相當creamy，而每條意粉都沾上香滑醬汁，喜歡奶香味嘅我相當滿意! 加$10要多份凱撒沙律，幫自己腸胃綠色一點，清新爽脆沙律菜，有幾粒多士脆粒，再淋上凱撒沙律醬汁，簡單但開胃 加$13可改為呢杯Latte，透明杯身完整望到咖啡，未飲咖啡香味已飄散出黎! 入口相當香滑，熱度剛好，呷一口，滿足呀! 今餐有沙律主菜及咖啡，無加一服務費，一百有找，相當抵食!