Video
Read full review
2023-01-31
1848 views
黃埔Harbour Grand嘅自助餐喺酒店自助餐嘅圈子頗有名氣亦都好受歡迎，禮拜一就黎咗呢度食dinner buffet。餐廳裝修坦白講係比較舊，木質傢俱為主，而且光線較為昏暗，不過座位尚算鬆動，唔會同隔離枱坐得好貼。食物擺位方面亦好有規劃，可以分到廚師即場料理區、冷盤區、海鮮區、生蠔區、刺身區、中西式及印度熱葷區。食物攞放區並唔大但選擇就唔少，名副其實嘅麻雀雖小，五臟俱全。今晚安排到窗邊位置，可以對住海旁夜景用餐。凍海鮮區同刺身區長期都好多人，就唔方便影相喇 凍海鮮選擇都好大路 有凍蝦、凍蟹腳、凍青口、凍翡翠螺同凍小龍蝦。推薦一定要試凍麵包蟹，蟹膏甘香飽滿。至於刺身同生蠔區方面，刺身選擇亦都唔少，數過好似有八種，生蠔師傅話係法國蠔，望落都好肥美，不過小弟唔食生野就冇試到，只係叫師傅揸住比我影張相。熟食方面，有幾大所謂回本位，首先係芝士焗龍蝦同燒牛肉燒羊架。先講芝士焗龍蝦，一大盤放喺度任夾唔嬲，誠意十足，龍蝦表面嘅芝士微焦有口感，低下嘅蘑菇忌廉醬順滑有奶香，龍蝦肉新鮮有彈性。燒牛肉肉味香濃，值得一提，切肉師傅非常敬業，見我哋有小朋友唔食得太生，好有心機幫我哋切d熟少少嘅部位。另一個回
餐廳裝修坦白講係比較舊，木質傢俱為主，而且光線較為昏暗，不過座位尚算鬆動，唔會同隔離枱坐得好貼。食物擺位方面亦好有規劃，可以分到廚師即場料理區、冷盤區、海鮮區、生蠔區、刺身區、中西式及印度熱葷區。食物攞放區並唔大但選擇就唔少，名副其實嘅麻雀雖小，五臟俱全。
今晚安排到窗邊位置，可以對住海旁夜景用餐。
凍海鮮區同刺身區長期都好多人，就唔方便影相喇 凍海鮮選擇都好大路 有凍蝦、凍蟹腳、凍青口、凍翡翠螺同凍小龍蝦。推薦一定要試凍麵包蟹，蟹膏甘香飽滿。至於刺身同生蠔區方面，刺身選擇亦都唔少，數過好似有八種，生蠔師傅話係法國蠔，望落都好肥美，不過小弟唔食生野就冇試到，只係叫師傅揸住比我影張相。
熟食方面，有幾大所謂回本位，首先係芝士焗龍蝦同燒牛肉燒羊架。先講芝士焗龍蝦，一大盤放喺度任夾唔嬲，誠意十足，龍蝦表面嘅芝士微焦有口感，低下嘅蘑菇忌廉醬順滑有奶香，龍蝦肉新鮮有彈性。燒牛肉肉味香濃，值得一提，切肉師傅非常敬業，見我哋有小朋友唔食得太生，好有心機幫我哋切d熟少少嘅部位。
另一個回本位係即煎鴨肝，呢個好受歡迎，基本上一出好快就比人掃曬，我都排左兩轉先有，不過正所謂good food takes time, 要食好西真係要比d耐性架。鴨肝外皮酥脆，咬落去就好似豆腐一樣咁軟滑，鴨油香即刻充滿曬成個口腔。
仲要推介即製小籠包，師傅即埋搓皮喺你面前包，喺你面前蒸。一縷縷蒸氣夾雜住小籠包嘅香氣撲面而來，食慾馬上就黎了。小籠包皮好薄，包裹住滿滿嘅湯汁同肉汁，配合埋薑醋提味增香，出色之作。
甜品方面，再一次秉承住佢哋選擇夠多嘅作風，榴槤蛋糕同芒果拿破侖值得一試，不過，酒店提供嘅切餅鏟比較難用，搞到舊蛋糕散曬都未上到碟，所以出面嘅蛋糕尤其係拿破侖比較散碎，賣相有少少差，希望酒店可以注意下。而雪糕同雪條就有好多味道，一時間真係好難揀😂
最後講下整體體驗，都係果句，呢度食物種類夠多，而且不乏回本位。餐廳整體環境不過不失，景觀搭救。用餐當晚有live band唱歌，不過坦白講就不敢恭維。至於員工方面，廚師待客有禮，兼顧烹調嘅同時亦會解答客人問題。食物refill速度都好快。不過待應生就唔夠主動，例如雪糕匙冇曬好耐都冇人refill，有時想搵佢哋又冇影。
Post
