Video
Read full review
2017-08-02
1457 views
老公因為o係29-3-2017 (Sat)晚,睇到話呢間漢堡包店攪100秒內,食晒佢指定原價$88.00o既漢堡,就可獲得$500.00,佢有興趣挑戰,於是o係大前日(30-7-2017 Sun)晏晝o黎挑戰.我o地去到坐低後,就同個男仔講玩呢樣o野,個男仔亦解釋o左詳情後,老公就先俾$88.00佢,等佢o地即刻整呢個漢堡,等o左好耐,個漢堡至到,睇見唔係好大個,影完相(時間太緊迫,所以未對好焦就影),就開始喇.老公係咁狼吞虎嚥,100秒過去,佢都只係食o左半個,之後就愎慢歎.原來呢個包o既牛肉漢堡,煙肉同蛋分別都有兩件, 牛肉漢堡重要係厚,煙肉又成條冇切開,醬汁亦多,要o係100秒內食晒,都唔係容易事.不過我都問佢好唔好食?佢話其實係好食o既.玩完呢個遊戲後,我就叫我o既lunch,就要o左$68.00o既牛油果軟殼蟹堡配薯條,個男仔提我話,呢個冇麵包,以牛油果代替,啊,OK.而我都另要一罐汽水俾老公,個男仔就話,汽水都要$12.00一罐,不如$15.00要埋沙律,啊,咁好啦.沙律都有芝麻同油醋揀,我就揀o左油醋.落完單即攞罐汽水俾老公飲,汽水雪得夠凍,正.又等好耐,我o既食物終於到
我o地去到坐低後,就同個男仔講玩呢樣o野,個男仔亦解釋o左詳情後,老公就先俾$88.00佢,等佢o地即刻整呢個漢堡,等o左好耐,個漢堡至到,睇見唔係好大個,
影完相(時間太緊迫,所以未對好焦就影),就開始喇.老公係咁狼吞虎嚥,100秒過去,佢都只係食o左半個,之後就愎慢歎.原來呢個包o既牛肉漢堡,煙肉同蛋分別都有兩件, 牛肉漢堡重要係厚,煙肉又成條冇切開,醬汁亦多,要o係100秒內食晒,都唔係容易事.不過我都問佢好唔好食?佢話其實係好食o既.
玩完呢個遊戲後,我就叫我o既lunch,就要o左$68.00o既牛油果軟殼蟹堡配薯條,
個男仔提我話,呢個冇麵包,以牛油果代替,啊,OK.而我都另要一罐汽水俾老公,個男仔就話,汽水都要$12.00一罐,不如$15.00要埋沙律,啊,咁好啦.沙律都有芝麻同油醋揀,我就揀o左油醋.落完單即攞罐汽水俾老公飲,汽水雪得夠凍,正.又等好耐,我o既食物終於到o黎,
牛油果o既生熟度o岩o岩好,軟殼蟹o既炸粉唔算好厚,亦冇炸過龍,味道亦正常.下面就有半熔芝士同千島醬,
千島醬稍為酸o左啲啲,底下就有青瓜,番茄同生菜,最後都係另外o個半件牛油果.
味道:3.8 分
而沙律都正常冇問題;至於薯條,佢比較粗身,唔蘸茄汁食,竟然食到甜味,甜唔係砂糖o既甜,似蕃薯o既甜,睇真啲,薯條比正常o既更黃,唔通呢o度o既薯條係自家製,加o左蕃薯落去?定係供應商o既新產品?味道: 5分
呢篇食評o既味道分唔評老公o個個.
環境:
之前o既凳全部係有椅背,但o衣o家改o左,靠牆o個邊係軟墊凳,其他o既都係冇椅背o既木圓凳.
呢日天氣極炎熱,成36度,冷氣開得大,好足夠.
其他:
今次o黎到,menu o既食物改o左,明顯冇o左Tiffany Blue爆芝流心雞排漢堡.
上次食評: https://www.openrice.com/zh/hongkong/review/%E5%9E%8B-e2722696
抵食係2.5分
Post
