岱民廟街店

Open Now

Now Closed

岱民全線旗下嘅分店已經差唔多接近40間，更可能稍後嘅時間會有更加多嘅分店都未定，因為兩餸飯嘅市場好大，而且岱民已經做起咗，客源大增，捧場客甚多，皆因價錢平、份量多兼味道好，所以生意長做長有。整體嚟講，岱民每間分店出品嘅水準都唔一樣，但每間嘅食材質素都屬中等，暫時嚟講都算係滿意，冇話邊間係好難食。嚟到廟街呢間岱民，我唔知呢間店開咗幾耐，不過呢間嘢嘅小菜水準真係幾好，全部小菜都炒得好靚，應該啲廚房師傅係喺大排檔出身，所以炒出嚟嘅小菜都同大排檔嘅出品接近一樣。呢間店嘅椒鹽豬扒係最好食，因為沾上粉好薄，而且肉夠厚兼大件，非常得體，味道好香濃，送飯一流！其餘嘅小菜都好精彩，註：本店啲阿姐服務態度好友善，而且間店嘅入面環境好乾淨衛生，令食客食得放心。