Video
Read full review
2014-05-24
3811 views
好耐之前黎過, 聽朋友講MENU已經唔同左。難得黎到上環，上黎拜訪下先。今次試左另一杯抺茶hot drink，有栗子係入面，幾特別，味道都係覺得麻麻地。雖然食過抺茶心太軟，但絕對值得為左未試過既友人再食多次。一切開，D抺茶漿湧出黎，蛋糕焗到外層少脆，內裡濕潤，連埋流出黎既漿一齊食，一放入口覺得好幸福好滿足 抺茶味超濃，漿好結，但絕對唔會覺得溜，只帶微微既甜。再食一啖雲尼拿雪糕，有刻好想世界停在這一分鐘 上次黎覺得雪糕融得太快，今次好似解決左融得快既問題。Sizzling Brownie，用鐵板上好特別，連埋個茶杯仔裝住抺茶。一淋上去，''zaaaaa''.... 抺茶係鐵板上面滾，而且雲尼拿雪糕少少融，好靚 又係好濃既抺茶味，揮發左水份既抺茶變得結左，配埋brownie，味道一流。鐵板熱力令到brownie個底脆左，加多重口感。只可惜，一人一啖，好快就食完lu。Angel Cake，蛋糕好濕潤好軟熟，表面既cream好滑好light，最重要係抺茶好出 3樣入面感覺最light係angel cake，但抺茶味絕對冇因為咁而少左。甜品比之前更出色，下次黎都係淨係叫野食，唔飲野。坐左好耐，過
今次試左另一杯抺茶hot drink，有栗子係入面，幾特別，味道都係覺得麻麻地。
雖然食過抺茶心太軟，但絕對值得為左未試過既友人再食多次。
一切開，D抺茶漿湧出黎，蛋糕焗到外層少脆，內裡濕潤，連埋流出黎既漿一齊食，一放入口覺得好幸福好滿足 抺茶味超濃，漿好結，但絕對唔會覺得溜，只帶微微既甜。再食一啖雲尼拿雪糕，有刻好想世界停在這一分鐘 上次黎覺得雪糕融得太快，今次好似解決左融得快既問題。
Sizzling Brownie，用鐵板上好特別，連埋個茶杯仔裝住抺茶。一淋上去，''zaaaaa''.... 抺茶係鐵板上面滾，而且雲尼拿雪糕少少融，好靚 又係好濃既抺茶味，揮發左水份既抺茶變得結左，配埋brownie，味道一流。鐵板熱力令到brownie個底脆左，加多重口感。只可惜，一人一啖，好快就食完lu。
Angel Cake，蛋糕好濕潤好軟熟，表面既cream好滑好light，最重要係抺茶好出 3樣入面感覺最light係angel cake，但抺茶味絕對冇因為咁而少左。甜品比之前更出色，下次黎都係淨係叫野食，唔飲野。坐左好耐，過左個好悠閑既下午。
Post
