The Point - Pizza & Pasta (將軍澳中心) (Closed)

將軍澳食嘢，四圍都有得食，係嗰度呢topcon廣場呢邊將軍澳中心坐低，有pizza有意粉食，我哋叫咗個龍蝦午餐138，有龍蝦湯，有龍蝦芝士貝殼通粉，叫咗個雞翼3隻，食完我哋叫多份，因為太好食啦，所以總共叫咗兩份。加12蚊多一個迷你嘅 caesar沙律，Caesar沙律一定要用羅馬生菜，呢個係特色，如果唔係羅馬生菜，就唔係叫做caesar沙律嘞!朋友叫咗個安格斯西冷牛扒138，配南瓜湯羹餐，牛扒用蘆筍薯蓉做配料，非常正好味，呢個餐淨係塊牛扒我哋都食得好好開心，件頭做做得啱啱好，要佢五成熟就五成熟，係一個唔錯嘅選擇。再加黑椒汁亦都係野味配搭，嚟到有pizza食嘅地方，我哋呢次特別揀咗一個香蕉天堂pizza，係甜品嚟嘅，72蚊唔係貴，當中有燒烤香蕉，棉花糖，杏仁片，朱古力醬，雲呢拿雪糕，加埋真係食到有啲初戀嘅感覺，所以呢次食得好開心，好甜好好回味，下次再傾過再食多次!重有咖啡一杯，完美結局。