Video
Read full review
2018-08-12
266 views
約左同好耐無見嘅朋友去小念頭食野，諗住揾個地方聚吓，有啲嘢食有啲野飲咁。兩個人見住咁多款蛋糕心大心細，款款都想食。結果叫左3件蛋糕大家share 食。第一件係熱情果紅茶卷蛋，本身唔鍾意食cream 嘅我對呢款蛋糕抱唔太大嘅期望，點知食落竟然出其地好食卷蛋軟熟且鬆軟，配上紅茶忌廉為整體增加左濕潤感。面頭嘅熱情果醬係最佳嘅點綴，為卷蛋清新嘅味道增添層次。另外亦叫左鐵觀音芝士蛋糕，佢嘅芝士偏厚實，不過唔會太膩，而且茶味相當突出，加埋伴碟嘅朱古力醬topping 同茶味啫喱異常地夾，真係又睇得又食得。一向都對泰式奶茶情有獨鍾嘅我見到泰式奶茶戚風蛋糕又點可以留底佢唔叫呢。佢嘅外型似富士山，好得意。至於戚風蛋糕都做得唔錯，口感鬆軟得黎蛋糕又有彈性，亦唔會覺乾，加上側邊淋上泰式奶茶醬，非常惹味。至於野飲方面，我同友人都一至對伯爵波波奶茶好感興趣，所以就一同飲埋當日最後2杯波波茶。等左無耐，店員將一杯裝港伯爵茶冰同一壺熱鮮奶送上黎。原來係要將熱鮮奶倒入滿滿嘅伯爵茶冰入面溶左佢先會有伯爵奶茶飲。有得飲之餘又有得玩幾滿足到我地嘅好奇心，伯爵茶味頗濃，不過稍嫌野飲過甜。我同友人坐係到傾左2個幾鐘都無人趕，如
兩個人見住咁多款蛋糕心大心細，款款都想食。結果叫左3件蛋糕大家share 食。
第一件係熱情果紅茶卷蛋，本身唔鍾意食cream 嘅我對呢款蛋糕抱唔太大嘅期望，點知食落竟然出其地好食卷蛋軟熟且鬆軟，配上紅茶忌廉為整體增加左濕潤感。面頭嘅熱情果醬係最佳嘅點綴，為卷蛋清新嘅味道增添層次。
熱情果卷蛋
28 views
0 likes
0 comments
另外亦叫左鐵觀音芝士蛋糕，佢嘅芝士偏厚實，不過唔會太膩，而且茶味相當突出，加埋伴碟嘅朱古力醬topping 同茶味啫喱異常地夾，真係又睇得又食得。
鐵觀音芝士蛋糕
30 views
0 likes
0 comments
一向都對泰式奶茶情有獨鍾嘅我見到泰式奶茶戚風蛋糕又點可以留底佢唔叫呢。佢嘅外型似富士山，好得意。至於戚風蛋糕都做得唔錯，口感鬆軟得黎蛋糕又有彈性，亦唔會覺乾，加上側邊淋上泰式奶茶醬，非常惹味。
泰式奶茶戚風蛋糕
27 views
0 likes
0 comments
至於野飲方面，我同友人都一至對伯爵波波奶茶好感興趣，所以就一同飲埋當日最後2杯波波茶。等左無耐，店員將一杯裝港伯爵茶冰同一壺熱鮮奶送上黎。原來係要將熱鮮奶倒入滿滿嘅伯爵茶冰入面溶左佢先會有伯爵奶茶飲。有得飲之餘又有得玩幾滿足到我地嘅好奇心，伯爵茶味頗濃，不過稍嫌野飲過甜。
伯爵波波奶茶
20 views
0 likes
0 comments
我同友人坐係到傾左2個幾鐘都無人趕，如果行過無野做想消磨吓時間，上去坐吓食件cake 係唔錯嘅選擇。
Post
