大丸和風食堂 (Closed)

今日約左細妹係旺角行街，行到攰攰地就決定係通菜街晚餐，咁岩就經過呢間日式餐廳<大丸和風食堂>。打開菜單，見到食物價錢平民價，而且有部分刺身同壽司有優惠，非常抵食！今次我地二人就點了三文魚腩壽司、火炙黑松露帶子壽司、海鮮丼同火炙三色丼。三文魚腩壽司味道新鮮，無雪藏味道，口感幼滑。而火炙黑松露帶子壽司味道鮮甜，加埋香濃既黑松露味，令口感層次更為豐富。至於主食，海鮮丼裡面有各種不同種類的海鮮，包括三文魚、蝦、帶子、玉子等，材料豐富，而且海鮮味道非常新鮮，厚薄適中，吃落入口即溶。細妹就鍾意食火炙三色丼，佢話鍾意被火燒過既刺身，食落有種燒焦味，令整個丼飯既味道更為惹味！總括黎講，我同細妹都認為呢間餐廳性價比非常高，一開始仲擔心餐廳價錢親民，味道會較遜色，點知味道非常新鮮，而且份量多，下次黎旺角一定會再來