日和号壽司料理 (Closed)

因為要買兒童嘢做聖誕禮物，於是喺巨盒八至十樓徘徊。十樓餐廳多以日系為主，周旋喺鐵板、咖哩飯之間，最後都係揀番隔咗都一年幾後、依家先第二次嚟食嘅日和號。貪佢列車車箱裝修夠氹細路之餘，啲梳化卡位夠闊枱又夠大，重點係佢禮拜六晚都居然仲有頁半價壽司🍣刺身餐牌俾客揀。先嚟杯生碑，$48同個保溫茶壺差無幾咁大，清啤咁唔澀，算抵飲。差不多全車盡佢啲半價嘢，除咗冇赤貝、馬刀貝揀之外，其餘常見款都齊，亦有左口魚😋，新鮮度都同其他一般壽司日食大同小異，係份吞拿魚壽司，淺粉紅色，食起來似打碎吞拿魚肉再用機壓番實嘅感覺，唔同刺身原片有少少筋嘅口感或腩碎軍艦嗰種鬆散。兒童餐$58都算抵食，當晚冇雪糕改咗泡芙兩粒。臨尾忘記去收銀隔離扭蛋（有嗌兒童餐就送一次扭蛋機會）。