MR. MAKI (保和大廈) (Closed)

講起日本美食第一時間一定係諗到壽司，飯同埋唔同食材嘅組合可以話係經典，大家都司空見慣。今次去到呢間餐廳，入面嘅壽司大部分都係好創新嘅fusion菜，賣相同埋菜名都好有新意。知我咩料，個名好勁xd，其實係吞拿魚拖羅配炸飯薄餅，$59。拖羅味道唔錯，份量都唔少，但個重點落左去個炸飯度。個飯基本上同薄餅餅底冇分別，仔細咬就仍然會食到飯嘅口感。壽司飯嘅味道加上薄餅嘅口感真係好有趣！加$15就可以食埋沙律，炸雞同埋飲品，算係幾超值。