而打淥滷汁拌粉 (青衣城2) (Closed)

今日收工趕去青衣城睇戲，去到仲有小小時間未開場，又有d肚餓，見到呢間幾特別，廟口兩個字又的而且確令我心癢癢，想起台灣夜市。決定嚟個速食。餐牌大致分為三大類: 台式加熱滷味，台式麻辣燙同台式涼拌，每款都有幾多配料可選，加上裝修佈置，真係有幾分站立台灣街頭夜市，面對花多眼亂，琳琅滿目嘅小食，一時間唔知食咩好嘅感覺。最後，我地揀左滷水汁嘅要高麗菜($12)、杏鮑菇($16)、花枝丸($16)、甜不辣($16 )再配埋蒸煮麵($14)。另外涼拌簡單d，剩係揀左奪命鳳爪($16)、配台南粿($16 )。 兩款相比，滷水汁嘅味真係比較濃味，由餸菜到麵，味道都較濃郁。值得讚嘅係，汁料伴得非常均勻，每啖都食到一樣嘅濃味。而麵質，蒸煮麵似阿波羅食果d即食撈麵，鬈鬈、較軟身嘅麵條較索汁料，入口較香濃；而台南粿，麵身似烏冬，刀削麵嘅麵條，比較硬身、有口感。配菜方便，高麗菜夠爽脆；花枝丸、杏鮑菇同甜不辣都非常入味，每啖都食到濃郁嘅滷水汁味。而奪命鳳爪則非常爽彈，有嚼勁。整體而言，兩個人大約$100，能食到多款餸料，加上麵底份量非常大份，足以飽腹滿足。