小王牛肉麵 (Closed)

是晚要去聽concert, 所以同朋友兩個急急腳响德福搵食, 無意人發現呢間牛肉麵, 聞落又幾香, 所以入去試一試, 果然啱哂果晚, 速食速走~果度d枱真係超迫, 大部份都係兩個兩個搭枱坐, 好彩咁啱我同朋友被安排坐卡位, 雖然對面都係搭住陌生人, 但比起坐方枱果d人, 已經冇咁迫, 好好多~ 由於時間關係, 快快睇食乜, 但好似樣樣都好吸引, 於是一人叫一個唔同餸的麵, 再加一個小食, 但唔知係咪唔夠人手, 等咗幾分鐘先見到有伙計經過~  半筋半肉粗麵有得選粗麵定幼麵, 我當然選粗麵啦~ 硬係覺得粗麵口感會好d~雖然碗麵都唔係平, 但當你見到佢d筋同肉多過麵時, 你就會覺得好抵食~無論筋同肉都好入味, 筋有彈性得嚟唔un, 肉林得嚟唔散, 仲有咬口, 麵的質感比上海麵好, 但唔夠日本烏冬咁彈牙, 湯底一d都唔油, 有少少鹵水味tim~  鹽酥雞扒麵朋友食的, 個麵同我果個一樣, 雖然佢冇得選, 但驚喜地係粗麵~個湯見佢好清, 朋友話好有雞湯味, 但唔似係味精湯~塊鹽酥雞扒先嚇人, 成塊pizza咁大, 厚批咁厚, 但其實係粉多d, 食頭果1-2舊還覺得好酥好香好好食, 但之