Video
Read full review
2022-11-15
275 views
LIFETASTIC Patisserie📍元朗朗日路9號形點I2樓2065號舖最近同人慶生，我食咗呢間蛋糕店好出名嘅方型個裝蛋糕。呢次並唔係我第一次食佢哋出品嘅蛋糕，對上一次食係有機焙茶香蕉蛋糕，以為貴就唔會伏？錯啦！佢嘅蛋糕嘅味道真係好神奇，唔可以話超難食，但絕對談不上好食，感覺好overpriced。今次俾多次機會試佢哋嘅蛋糕，唔知係會出奇地好食，定係虛有其表、伏到核爆呢？ 💰$78班蘭芒果紫米蛋糕 🥭🍰睇完食材表同成份，大概明白佢想走一個咩風格，估計都離不開東南亞fusion嘢。呢個班蘭蛋糕雖然外表唔太討好，但估唔到佢斑斕味好香好重， cream嘅口感亦都好light，唔會好漏。明白加紫米可能係想令件事更加有東南亞甜品嘅feel，但食落唔太夾，反而畫蛇添足，扣咗分。芒果亦唔太當造，好酸，令個本身已經唔係好甜嘅蛋糕更酸更唔夠好食。 💰$85無花果紅桑子芝士蛋糕 🫐🧀🍰食得出食材係天然新鮮嘅，但cream cheese味好淡，對於我呢啲重口味人士嚟講，好似食緊普通海綿蛋糕咁。上面嘅無花果同紅桑子亦唔夠甜，甚至有啲過酸，無辦法帶出個蛋糕嘅甜味，惟一可以讚嘅就係佢應該好適合要控制糖份攝
📍元朗朗日路9號形點I2樓2065號舖
最近同人慶生，我食咗呢間蛋糕店好出名嘅方型個裝蛋糕。呢次並唔係我第一次食佢哋出品嘅蛋糕，對上一次食係有機焙茶香蕉蛋糕，以為貴就唔會伏？錯啦！佢嘅蛋糕嘅味道真係好神奇，唔可以話超難食，但絕對談不上好食，感覺好overpriced。今次俾多次機會試佢哋嘅蛋糕，唔知係會出奇地好食，定係虛有其表、伏到核爆呢？
[價錢 Price]
💰$78
班蘭芒果紫米蛋糕 🥭🍰
睇完食材表同成份，大概明白佢想走一個咩風格，估計都離不開東南亞fusion嘢。呢個班蘭蛋糕雖然外表唔太討好，但估唔到佢斑斕味好香好重， cream嘅口感亦都好light，唔會好漏。明白加紫米可能係想令件事更加有東南亞甜品嘅feel，但食落唔太夾，反而畫蛇添足，扣咗分。芒果亦唔太當造，好酸，令個本身已經唔係好甜嘅蛋糕更酸更唔夠好食。
[價錢 Price]
💰$85
無花果紅桑子芝士蛋糕 🫐🧀🍰
食得出食材係天然新鮮嘅，但cream cheese味好淡，對於我呢啲重口味人士嚟講，好似食緊普通海綿蛋糕咁。上面嘅無花果同紅桑子亦唔夠甜，甚至有啲過酸，無辦法帶出個蛋糕嘅甜味，惟一可以讚嘅就係佢應該好適合要控制糖份攝取嘅人士同老人家食！
對比起上一次食嘅焙茶香蕉蛋糕，今次嘅算係唔錯㗎啦，但唔稱得上好食，唔係好明點解賣咁貴、味道咁有趣都仲有咁多人食佢，唔通真係咁多人對生桐蛋糕有興趣？留名求食過嘅人分享！
Post
