Video
Read full review
2023-08-10
71 views
日前聽一位四川黎嘅港漂同事講，香港呢間連鎖川菜餐廳「十二味」好正宗，就一於帶無辣不歡嘅女朋友黎旺角分店試下。旺角分店交通方便，裝修是正。可能因為多港漂都鍾意黎食，所以聽落去店員普通話水平都好高。餐廳食物選擇好多，基本上你認知嘅川菜名菜都會有。以下就係我當晚點嘅食物：「細份麻辣小龍蝦」：細份共有差唔多16隻，由於小龍蝦細細隻肉唔係好多，所以我覺得每人8隻呢個份量剛剛好。呢度嘅小龍蝦肉質口感爽彈，而且有幾隻都好多膏。值得一讚係調味好出色，非常惹味！「炒四季豆」：分量好大，炒得好香，送飯一流！「麻辣田雞」：田雞肉結實鮮甜，而且調味夠喇夠過癮，正！「川式口水雞」：雞肉夠滑，調味同樣好滋味，略嫌唔夠大份，太好食唔夠喉呀！「冰粉」：凍冰冰甜絲絲，作為解辣甜品一流！總結：餐廳食物質素好、選擇多，加上做法正宗，係食川菜嘅好地方！
旺角分店交通方便，裝修是正。可能因為多港漂都鍾意黎食，所以聽落去店員普通話水平都好高。
餐廳食物選擇好多，基本上你認知嘅川菜名菜都會有。以下就係我當晚點嘅食物：
「細份麻辣小龍蝦」：細份共有差唔多16隻，由於小龍蝦細細隻肉唔係好多，所以我覺得每人8隻呢個份量剛剛好。呢度嘅小龍蝦肉質口感爽彈，而且有幾隻都好多膏。值得一讚係調味好出色，非常惹味！
「炒四季豆」：分量好大，炒得好香，送飯一流！
「麻辣田雞」：田雞肉結實鮮甜，而且調味夠喇夠過癮，正！
「川式口水雞」：雞肉夠滑，調味同樣好滋味，略嫌唔夠大份，太好食唔夠喉呀！
「冰粉」：凍冰冰甜絲絲，作為解辣甜品一流！
總結：餐廳食物質素好、選擇多，加上做法正宗，係食川菜嘅好地方！
Post
