Video
Read full review
2012-11-25
50 views
琴日約左個朋友去銅鑼灣食tea, 兩個人都未食lunch, 超肚餓，諗住求其搵間野，唔洗等位嘅，結果就入左呢個冰室。本人就幾鍾情冰室的，尤其常餐，貪有油多同湯意粉~~ 去咩冰室都會叫常餐。今次都唔例外。朋友就叫左魚腐米線。食物上餐時間頗快。讚。見到碟叉燒意粉有棵菜，本來好稱心滿意，誰知一叉團意粉入口，哇…煮到咁硬架，用門牙就切唔斷，用大牙先咬得斷，個湯就淡味的 (自問唔食濃味野，都接受唔到呢碟湯意粉可以整到咁無味…) 唯一可取係叉燒，軟硬度剛好。到左火腿+炒蛋+油多，唉，同樣的，炒蛋係無味，但慶幸無油'益'味，而且都幾滑，能入口。兩塊三角型火腿，煎得有點焦，無乜火腿味。油多士，唉，凍嘅，牛油一舊舊咁溶化唔到，好失望！仲要塊多士咬落口係韌的，脆都唔脆下，真係食得唔舒服！問朋友個魚腐米線點，佢話OK，我試左少少米線，有味過我碟意粉嚕。埋單時，朋友負擔畀錢，我響門口等，朋友出黎時就話收銀個女人唔係幾好老脾，好似話朋友畀少左錢，個女人就淨係話畀少左，又唔講畀少左咩錢，之後先話少左五蚊。朋友都來不及研究，即刻畀5蚊就走了。呢間野，唉，我個人就唔會再幫襯了，除非有日啲食物有改善啦。講真，去得呢類冰
本人就幾鍾情冰室的，尤其常餐，貪有油多同湯意粉~~ 去咩冰室都會叫常餐。今次都唔例外。朋友就叫左魚腐米線。
食物上餐時間頗快。讚。
見到碟叉燒意粉有棵菜，本來好稱心滿意，誰知一叉團意粉入口，哇…煮到咁硬架，用門牙就切唔斷，用大牙先咬得斷，個湯就淡味的 (自問唔食濃味野，都接受唔到呢碟湯意粉可以整到咁無味…) 唯一可取係叉燒，軟硬度剛好。
到左火腿+炒蛋+油多，唉，同樣的，炒蛋係無味，但慶幸無油'益'味，而且都幾滑，能入口。兩塊三角型火腿，煎得有點焦，無乜火腿味。油多士，唉，凍嘅，牛油一舊舊咁溶化唔到，好失望！仲要塊多士咬落口係韌的，脆都唔脆下，真係食得唔舒服！
問朋友個魚腐米線點，佢話OK，我試左少少米線，有味過我碟意粉嚕。
埋單時，朋友負擔畀錢，我響門口等，朋友出黎時就話收銀個女人唔係幾好老脾，好似話朋友畀少左錢，個女人就淨係話畀少左，又唔講畀少左咩錢，之後先話少左五蚊。朋友都來不及研究，即刻畀5蚊就走了。
呢間野，唉，我個人就唔會再幫襯了，除非有日啲食物有改善啦。講真，去得呢類冰室呀茶餐廳，我都唔會點要求想點樣好環境，好態度，但至少食物要做到基本水準啊。=.= 呢間野除左環境舒服、光猛，同上餐快，都搵唔到可取之處了。
Post