陸陸雞煲火鍋 (Closed)

聽朋友講陸陸雞煲好抵食，所以點可以放過機會，約下朋友去食下雞煲打下邊爐。環境好舒服，而且職員好好禮貌，感覺好舒服一開始職員會問雞煲要咩辣，有微辣、小辣、中辣、大辣，原本想叫中辣但可惜朋友唔食得太辣所以叫了微辣。醬汁濃味而且有不同香料令雞煲的味道變得有多種層次。雞肉一D都唔會柴皮，好juicy 食完雞煲，就上了龍蝦湯火鍋湯底，原隻龍蝦見到都覺得好大隻，因為市面上好少會有原隻龍蝦，比較多係半隻，所以呢個龍蝦都覺得值回票價。湯底都有一陣陣蝦味，正套餐仲有一份海鮮拼盤、手打魚丸、肉類、菜類、菇類、炸魚皮、炸響令、餃子拼盤等等海鮮拼盤一共大約有八款，當中更包括有鮑魚、兩款大蝦、蠔等等，海鮮非常新鮮之餘而且份量十足每一樣野都好好味而且兩個人都食唔晒，想搵一個地方又可以食雞煲，打邊爐就絕對不能夠錯過啦