Video
Read full review
2023-09-11
79 views
慶祝生日會去邊，香港有林林總總嘅菜式，而同行朋友鍾情於中菜，咁既然要食，就梗係食最好嘅今日就嚟到位於mira place美麗華商場4樓食四方嘅富豪酒家，係榮獲十三年米芝蓮一星嘅酒家，人生點都要試一次啦好多人一聽到富豪酒家就會諗起阿翁鮑魚，除此之外仲有好多名菜值得品嘗，而今日3位女士就揀咗一啲養顔嘅菜式《水晶炒官燕》燕窩對於好多女人嚟講係補品，含有豐富嘅蛋白質同氨基酸，滋陰養顔，富豪酒家採用嘅係印尼官燕盞，師傅將發好嘅燕窩加上花蟹肉同蛋白用砂鍋堂炒之後再加上金華火腿茸，燕窩口感滑嫩，香氣濃郁，入口感受到淡淡清香，同埋金華火腿茸，甘香得嚟唔會蓋過燕窩嘅清，有畫龍點睛之用，大家一食都驚嘆不已《鮑汁花膠鵝掌》花膠有豐富嘅膠原蛋白同高蛋白質，好多女士都好鍾意食，但係花膠鵝掌係一道好考功夫時間耐性嘅菜式，亦都好難會買到靚花膠，呢度採用印度花膠公和波蘭鵝掌花膠公厚身有嚼勁，充滿骨膠原，食完黏嘴唇就知，花膠軟硬適中，唔會話淋到一pat野，又唔會話硬到要咬好耐，加上鮑魚汁做芡，味道恰到好處，鵝掌腍滑厚肉，筋位有嚼勁，高蛋白質，低脂肪，低膽固醇嘅佳品，加上鮑魚汁好入味《雲腿玉樹麒麟班》由細到大都鍾意食魚，
今日就嚟到位於mira place美麗華商場4樓食四方嘅富豪酒家，係榮獲十三年米芝蓮一星嘅酒家，人生點都要試一次啦
好多人一聽到富豪酒家就會諗起阿翁鮑魚，除此之外仲有好多名菜值得品嘗，而今日3位女士就揀咗一啲養顔嘅菜式
《水晶炒官燕》
燕窩對於好多女人嚟講係補品，含有豐富嘅蛋白質同氨基酸，滋陰養顔，富豪酒家採用嘅係印尼官燕盞，師傅將發好嘅燕窩加上花蟹肉同蛋白用砂鍋堂炒之後再加上金華火腿茸，燕窩口感滑嫩，香氣濃郁，入口感受到淡淡清香，同埋金華火腿茸，甘香得嚟唔會蓋過燕窩嘅清，有畫龍點睛之用，大家一食都驚嘆不已
《鮑汁花膠鵝掌》
花膠有豐富嘅膠原蛋白同高蛋白質，好多女士都好鍾意食，但係花膠鵝掌係一道好考功夫時間耐性嘅菜式，亦都好難會買到靚花膠，呢度採用印度花膠公和波蘭鵝掌
花膠公厚身有嚼勁，充滿骨膠原，食完黏嘴唇就知，花膠軟硬適中，唔會話淋到一pat野，又唔會話硬到要咬好耐，加上鮑魚汁做芡，味道恰到好處，鵝掌腍滑厚肉，筋位有嚼勁，高蛋白質，低脂肪，低膽固醇嘅佳品，加上鮑魚汁好入味
《雲腿玉樹麒麟班》
由細到大都鍾意食魚，尤其去酒樓食，因為係屋企冇咁大個爐同咁大條新鮮魚，呢度採用嘅係生劏老虎班起肉切片，肉質細嫩，肥美，完全冇腥味，好新鮮，中間夾住金華火腿片和冬菇片排成麒麟狀蒸熟
一啖將三樣一齊放入口，金華火腿嘅鹹香配上清淡嘅魚肉，互相配合，再伴上菜遠加上上湯芡汁。
《金銀四寶白菜包》
菜式一上，已經覺得好特別，好似鮮竹卷咁，只係唔同嘅係師傅用白菜包，更考功夫，細細品嘗後發現內裡有雞肉冬菇鮮鮑片同鮮蟹肉4種材料
用津白菜葉飛水瓊乾做皮包住稻料，清蒸白菜包就有食過，但碟上嘅另一個係蘸蛋槳油炸至金黃色，味道與清蒸稍有不同，多咗一種蛋香味，口感亦都因為炸過，第一啖唔會同上湯清蒸一樣，明明食緊同一樣野，又好似唔係咁樣，上桌碟中正如菜名呈現金色和銀色菜包各一個，一個香滑濃郁，另一個清甜爽口，各有特色。
《生磨合桃露》
最後食咗咁多名菜，當然要用甜品作結，合桃補腦，仲可以抗衰老，合桃本身香卻少許甘苦，所以一直都唔太食，但呢度嘅合桃無咗個種甘苦味，口感順滑，令人一啖接一啖，另外中式糖水本來以為好甜，富豪酒家呢家整得甜度適中，唔會過甜過淡
《阿翁溏心奶黃月餅》
臨近中秋節，經理仲好好人咁請我哋試佢哋出品嘅奶黃月餅
一切開，中間嘅奶黃就流哂出嚟，唔會話好甜好漏，鹹甜比例適中，入口軟滑，口腔充滿咸香味，餅皮唔會話好厚
配上紫金色兩層扇形開盒設計，送禮一流，自私食亦十分不錯，未試過嘅絕對推介大家一試
Post
